အမေရိကန်ပြည်ထောင်စုသည် Javelin ဟုအမည်ပေးထားသည့် တင့်ဖျက် ဒုံးကျည်စနစ် ၁၂၈ ခုအား အက်စတိုးနီးယားနိုင်ငံသို့ ပို့ဆောင်ပေးခဲ့ခြင်း

၉။ အမေရိကန်ပြည်ထောင်စုသည် Javelin ဟုအမည်ပေးထားသည့် တင့်ဖျက် ဒုံးကျည်စနစ် ၁၂၈ ခုအား အက်စတိုးနီးယားနိုင်ငံသို့ ပို့ဆောင်ပေးခဲ့ပါသည်။ အက်စတိုးနီးယားနိုင်ငံရှိ ကာကွယ်ရေးတပ်ဖွဲ့များနှင့် အမေရိကန်ပြည်ထောင်စုတို့ ချုပ်ဆိုခဲ့သော စာချုပ်ပါစစ်ပစ္စည်းများ တင်ပို့မှုတစ်စိတ်တစ်ပိုင်းအဖြစ် ယခုကဲ့သို့ တင်ပို့ပေးခဲ့ခြင်းဖြစ်ကြောင်း အက်စတိုးနီးယားနိုင်ငံရှိ အမေရိကန်သံရုံးက ထုတ်ပြန် ကြေညာခဲ့ခြင်းဖြစ်ပါသည်။ အက်စတိုးနီးယား တပ်ဖွဲ့များနှင့် အမေရိကန်တပ်မတော် ဥရောပဒေသကွပ်ကဲရေးဌာနချုပ်တို့သည် ပူးတွဲမဟာဗျူဟာများ အောင်မြင်ရေးနှင့် ဒေသတွင်း တည်ငြိမ်မှုကို ထိန်းသိမ်းရေးအတွက် ဆက်လက်ပူးပေါင်း ဆောင်ရွက် ကြမည် ဖြစ်ပါသည်။ ယခုကဲ့သို့ အက်စတိုးနီးယားနိုင်ငံအား Javelin တင့်ဖျက် ဒုံးစနစ်ရောင်းချရေးအတွက် အမေရိကန်နိုင်ငံက ၂၀၁၄ ခုနှစ်၊ အောက်တိုဘာလ အတွင်းက ဆုံးဖြတ်ချက်ချမှတ်ခဲ့ခြင်းဖြစ်ကြောင်း သိရှိရပါသည်။