။             တူရကီနိုင်ငံရှိ ပူးပေါင်းဆောင်ရွက်မှုနှင့် ညှိနှိုင်းဆောင်ရွက်မှုအေဂျင်စီသည် ကမ္ဘာတစ်ဝန်းဖြစ်ပွားလျက်ရှိသော ကိုရိုနာဗိုင်းရပ်စ်ကပ်ရောဂါကို တိုက်ဖျက်လျက်ရှိသည့် ဘင်္ဂလားဒေ့ရှ်နိုင်ငံအား အကူအညီပေးအပ်သည့်အနေဖြင့် ကပ်ရောဂါကာကွယ်ရေး ဆေးဘက်ဆိုင်ရာထောက်ပံ့ရေးပစ္စည်းများကို ဘင်္ဂလားဒေ့ရှ်နိုင်ငံသို့ ဇူလိုင်လ ၆ ရက်တွင် ပေးပို့ခဲ့ကြောင်း သတင်းရင်းမြစ်တစ်ခုက ဖော်ပြခဲ့ပါသည်။ ထောက်ပံ့ရေးပစ္စည်းများအား လူ ၁၀,၁၈၀ ဦး ဗိုင်းရပ်စ်ကူးစက်ခံရပြီး လူ ၁၉၅ ဦးခန့် သေဆုံးခဲ့ရသည့် စစ်တကောင်းမြို့သို့ ပေးပို့ခဲ့ခြင်းဖြစ်ကြောင်း အဆိုပါသတင်းရင်းမြစ်က ပြောကြားခဲ့ပါသည်။ ထို့ပြင် အဆိုပါ အေဂျင်စီသည် ပြီးခဲ့သည့် ဇွန်လ၊ ပထမပတ်အတွင်းကလည်း ဘင်္ဂလားဒေ့ရှ်နိုင်ငံ၏ မြို့တော် ဒါကာသို့ ဆေးဘက်ဆိုင်ရာထောက်ပံ့ရေးပစ္စည်းများ ပေးပို့လှူဒါန်းခဲ့ကြောင်း သိရှိရပါသည်။