၅။ မြောက်မက်ဆီဒိုးနီးယားနိုင်ငံသည် နိုင်ငံအတွင်းရှိ ဆိုက်ဘာလုံခြုံရေးအဖွဲ့ အစည်းများနှင့် နေတိုးအဖွဲ့တို့အကြား ဆိုက်ဘာကာကွယ်ရေးဆိုင်ရာပူးပေါင်းဆောင်ရွက် မှုနှင့် အကူအညီပေးမှုကို တိုးတက်လာစေမည့် နားလည်မှုစာချွန်လွှာတစ်ရပ်အား လက်မှတ်ရေးထိုးခဲ့ကြောင်း nato.int သတင်းဝဘ်ဆိုက်က ဖေဖော်ဝါရီလ ၁၉ ရက်တွင် ဖော်ပြခဲ့ပါသည်။ အဆိုပါနားလည်မှုစာချွန်လွှာအသစ်သည် ဆိုက်ဘာခြိမ်းခြောက်မှုများနှင့် ပတ်သက်သည့် သတင်းအချက်အလက်မျှဝေရေးကို လွယ်ကူချောမွေ့စေမည်ဖြစ်ပြီး ဆိုက်ဘာတိုက်ခိုက်မှုကို ကာကွယ်တားဆီးရာတွင် အထောက်အကူဖြစ်စေမည်ဖြစ်ကာ ဆိုက်ဘာခြိမ်းခြောက်မှုများကို တွန်းလှန်နိုင်စွမ်းလည်း မြင့်တက်လာစေမည် ဖြစ်ပါသည်။ အဆိုပါနားလည်မှုစာချွန်လွှာအား မြောက်မက်ဆီဒိုးနီးယား ကာကွယ်ရေးဝန်ကြီးနှင့် နေတိုးအဖွဲ့၏ ဆိုက်ဘာကာကွယ်ရေးဆိုင်ရာ စီမံခန့်ခွဲရေးအဖွဲ့အကြီးအကဲတို့က ယခု သီတင်းပတ်အတွင်း လက်မှတ်ရေးထိုးခဲ့ခြင်းဖြစ်ကြောင်း သိရှိရပါသည်။
No comments:
Post a Comment