၈။ ဥရောပကော်မရှင်သည် ဥရောပသမဂ္ဂနှင့် ၎င်း၏တောင်ပိုင်းအိမ်နီးချင်း နိုင်ငံများအကြား မဟာဗျူဟာမြောက်မိတ်ဖက်ပူးပေါင်းဆောင်ရွက်မှုပိုမိုခိုင်မာအား ကောင်းလာစေရန်ရည်ရွယ်၍ မြေထဲပင်လယ်ဒေသအတွက် အစီအစဉ်သစ်တစ်ရပ်ကို ဖေဖော်ဝါရီလ ၉ ရက်တွင် စတင်လုပ်ဆောင်ခဲ့ကြောင်း ဆင်ဟွာသတင်းဌာနက ဖော်ပြခဲ့ပါသည်။ အဆိုပါအစီအစဉ်အသစ်သည် အတူတကွပူးပေါင်းဆောင်ရွက်ခြင်း အားဖြင့် ဘုံစိန်ခေါ်မှုများကိုအခွင့်အလမ်းအဖြစ် ပြောင်းလဲနိုင်သည်ဟူသော ယူဆချက် အပြင် ဥရောပသမဂ္ဂနှင့် ၎င်း၏တောင်ပိုင်းအိမ်နီးချင်းနိုင်ငံများအကြား အပြန်အလှန် အကျိုးစီးပွားရရှိနိုင်မှုအပေါ်တွင် အခြေခံကြောင်း ၎င်းကော်မရှင်က ထုတ်ပြန်ချက် တွင်ဖော်ပြခဲ့ပါသည်။ ထို့ပြင် ဥရောပနိုင်ငံများအနေဖြင့် တောင်ပိုင်းအိမ်နီးချင်းနိုင်ငံ များ၏ ဒေသတွင်းဖွံ့ဖြိုးတိုးတက်မှုနှင့် တည်ငြိမ်အေးချမ်းမှုအတွက် ကူညီပံ့ပိုးပေးမှု များလုပ်ဆောင်သွားရန်လိုလားလျက်ရှိကြောင်း ပြောကြားခဲ့သည်ဟု သိရှိရပါသည်။
No comments:
Post a Comment