၂။ ပါကစ္စတန်-တူရကီ ပူးတွဲစစ်ရေးလေ့ကျင့်မှု “ATATURK-XI” 2021 ဖွင့်ပွဲ အခမ်းအနားအား ပါကစ္စတန်နိုင်ငံရှိ အထူးတပ်ဖွဲ့ဌာနချုပ်၌ ဖေဖော်ဝါရီလ ၉ ရက်တွင် ကျင်းပပြုလုပ်ခဲ့ပါသည်။ တူရကီအထူးတပ်ဖွဲ့ဝင်များနှင့် ပါကစ္စတန်အထူးတပ်ဖွဲ့ဝင် များသည် သီတင်းပတ် ၃ ပတ်ကြာ ကျင်းပပြုလုပ်သွားမည့် အဆိုပါပူးတွဲစစ်ရေး လေ့ကျင့်မှုတွင် ပါဝင်ဆောင်ရွက်သွားမည်ဖြစ်ပြီး လေ့ကျင့်မှု၌ အကြမ်းဖက်မှုတန်ပြန် တိုက်ဖျက်ရေးလုပ်ဆောင်မှုများအပါအဝင် အခြားသောလေ့ကျင့်မှုများကိုလည်း ဆောင်ရွက်သွားမည်ဖြစ်ပါသည်။ အဆိုပါပူးတွဲစစ်ရေးလေ့ကျင့်မှုသည် ပါကစ္စတန်-တူရကီ နှစ်နိုင်ငံ၏ဆက်ဆံရေးကို ပိုမိုခိုင်မာအားကောင်းစေမည်ဖြစ်သည့်အပြင် အခြားနိုင်ငံများနည်းတူ ခေတ်မီတပ်မတော်ဖြစ်စေရေးနှင့် ခေတ်ရေစီးကြောင်းအလိုက် လိုက်လျောညီထွေဖြစ်စေရေးအတွက် အကူအညီပေးနိုင်သော လေ့ကျင့်မှုလည်း ဖြစ်ပါသည်။ ထို့ပြင် ပါကစ္စတန်နှင့် တူရကီနိုင်ငံတို့၏ ကာကွယ်ရေးနှင့် စစ်ရေးဆိုင်ရာ ပူးပေါင်းဆောင်ရွက်မှုများကို တိုးမြှင့်နိုင်ခဲ့ကြောင်း သိရှိရပါသည်။
No comments:
Post a Comment