တူရကီနှင့် ယူကရိန်းနိုင်ငံတို့အကြား မဟာဗျူဟာမြောက်မိတ်ဖက်ဆက်ဆံမှု ဖြစ်သော ကာကွယ်ရေးဆိုင်ရာစက်မှုကဏ္ဍ၌ ပူးပေါင်းဆောင်ရွက်သွားရန် တူရကီသမ္မတ ရီဆတ်တေရစ်အာဒိုဂန် (Recep Tayyip Erdogan) နှင့် ယူကရိန်းသမ္မတ ဗိုလိုဒီမာ ဇီလန်းစကီး (Volodymyr Zelensky) တို့အကြား သဘောတူညီခဲ့ကြောင်း Sputnik သတင်းဌာနက ဧပြီလ ၁၀ ရက်တွင် ဖော်ပြခဲ့ပါသည်။ နှစ်နိုင်ငံခေါင်းဆောင်နှစ်ဦး တွေ့ဆုံစဉ် ပင်လယ်နက်ဒေသအတွင်း လုံခြုံရေးနှင့် ငြိမ်ချမ်းမှုရရှိစေရေး သမ္မတ အာဒိုဂန်က အလေးထားပြောကြားခဲ့ပါသည်။ ထို့ပြင် ယူကရိန်းအရှေ့ပိုင်းပဋိပက္ခ ဖြေရှင်းရေးအတွက် မင့်ခ် (Minsk) သဘောတူညီချက်အား တူရကီနိုင်ငံ၏ ထောက်ခံ ပေးမှုနှင့်ပတ်သက်၍လည်း သမ္မတ အာဒိုဂန်က ထပ်လောင်းပြောကြားခဲ့ပြီး အဆိုပါ ပဋိပက္ခအား နိုင်ငံရေးနှင့် သံတမန်နည်းလမ်းများ ဖြေရှင်းဆောင်ရွက်သွားရန်လည်း သဘောတူညီခဲ့ကြကြောင်း သိရှိရပါသည်။
No comments:
Post a Comment