ဆားဘီးယားနိုင်ငံခြားရေးဝန်ကြီး နီကိုလာဆီလာကိုဗစ် (Nikola  Selakovic) နှင့် တရုတ်နိုင်ငံခြားရေးဝန်ကြီး ဝမ်ယိ (Wang Yi) တို့သည် အောက်တိုဘာလ ၂၈ ရက်တွင် ဆားဘီးယားနိုင်ငံ၊ ဘဲလ်ဂရိတ် (Belgrade) မြို့တွင် တွေ့ဆုံဆွေးနွေးခဲ့ပြီး ၎င်းဆွေးနွေးမှု အတွင်း နှစ်နိုင်ငံအကြား ချစ်ကြည်ရင်းနှီးမှုနှင့်ဆက်ဆံရေးပိုမိုခိုင်မာလာစေရန် ကြိုးပမ်း လုပ်ဆောင်သွားမည်ဖြစ်ကြောင်း ကတိပြုပြောကြားခဲ့ပါသည်။ ဝမ်ယိ၏ ဆားဘီးယား နိုင်ငံသို့သွားရောက်သော ချစ်ကြည်ရေးခရီးစဉ်သည် ယခုနှစ်မေလတွင် ဝန်ကြီး ဆီလာ ကိုဗစ်မှ တရုတ်နိုင်ငံအနောက်တောင်ပိုင်းရှိ ဂူယမ် (Guiyang) မြို့သို့ ချစ်ကြည်ရေး ခရီးလာရောက်ခဲ့ပြီးနောက် ပြန်လည်သွားရောက်သည့် ခရီးစဉ်တစ်ခုဖြစ်ပါသည်။ ယခုကဲ့သို့ ဝန်ကြီးနှစ်ဦး၏ အပြန်အလှန်သွားရောက်လည်ပတ်မှုသည် နှစ်နိုင်ငံအကြားဆက်ဆံရေး၏ အရေးကြီးမှုကိုပြသရာရောက်ကြောင်း ဆွေးနွေးပွဲအတွင်း ဝမ်ယိက ထည့်သွင်းပြောကြား ခဲ့သည်ဟု သိရှိရပါသည်။