ဘောလ်တစ် ၃ နိုင်ငံမှ လွှတ်တော်အမတ်များသည် ဥရောပသမဂ္ဂနိုင်ငံများနှင့် ထိုင်ဝမ်တို့အကြား ပူးပေါင်းဆောင်ရွက်မှု၏ သင်္ကေတတစ်ခုအဖြစ် နိုဝင်ဘာလ ၂၉ ရက် တွင် ထိုင်ဝမ်သမ္မတ ဆိုင်အင်ဝမ် (Tsai Ing-Wen) နှင့် တွေ့ဆုံခဲ့ပါသည်။ လတ်ဗီးယား၊ လစ်သူရေးနီးယားနှင့် အက်စတိုးနီးယားနိုင်ငံတို့မှ လွှတ်တော်အမတ်များသည် ၎င်းတို့၏ ပထမဆုံးသော ပူးတွဲခရီးစဉ်အဖြစ် ထိုင်ဝမ်သို့လာရောက်ခြင်းဖြစ်ကြောင်း သမ္မတ ဆိုင်က ပြောကြားခဲ့ပါသည်။ ထိုင်ဝမ်တွင် မကြာမီဖွင့်လှစ်တော့မည့် လစ်သူရေးနီးယား ကုန်သွယ်ရေးရုံးသည် ထိုင်ဝမ်နှင့် လစ်သူရေးနီးယားတို့အကြား မိတ်ဖက်ဆက်ဆံရေးကို တိုးမြှင့်စေမည်ဖြစ်သည့်အပြင် ထိုင်ဝမ်နှင့် ဥရောပနိုင်ငံများအကြား ဆက်ဆံရေးကိုလည်း ပိုမိုနီးကပ်စေရန် အထောက်အပံ့ဖြစ်စေမည်ဟုမျှော်လင့်ကြောင်း လစ်သူရေးနီးယား ကိုယ်စားလှယ်အဖွဲ့အကြီးအကဲ မက်တက်စ် မော့ဒေးကစ် (Matas Maldeikis) က ပြောကြားခဲ့သည်ဟု သိရှိရပါသည်။