ဆလိုဗေးနီးယားသမ္မတ ဘိုရက်ပါဟော့ရ် (Borut Pahor) သည် လက်ဝဲယိမ်း လွတ်လပ်ရေးလှုပ်ရှားမှုပါတီ (FM) ခေါင်းဆောင် ရော့ဘတ်ဂိုလိုဘ် (Robert Golob) အား ဝန်ကြီးချုပ်ရာထူးအတွက် အမည်စာရင်းတင်သွင်းခဲ့ကြောင်း Xinhua သတင်း ဌာနက မေလ ၂၄ ရက်တွင် ဖော်ပြခဲ့ပါသည်။ ရော့ဘတ်ဂိုလိုဘ်အနေဖြင့် လွှတ်တော် အတွက် လိုအပ်သည့် ပံ့ပိုးကူညီမှုများလုပ်ဆောင်ပေးသွားနိုင်မည်ဖြစ်ကြောင်း သမ္မတက လွှတ်တော်အမတ်များနှင့် တရားဝင်တွေ့ဆုံဆွေးနွေးမှုတွင် ပြောကြားခဲ့ပြီး လွှတ်တော် အနေဖြင့် ဝန်ကြီးချုပ်ရာထူးအတွက် မဲခွဲဆုံးဖြတ်မှုများကို မေလ ၂၅ ရက်တွင် ပြုလုပ် သွားမည်ဟု ၎င်းကမျှော်မှန်းထားလျက်ရှိပါသည်။ ထို့ပြင် ရော့ဘတ်ဂိုလိုဘ် အနေဖြင့် ၎င်း၏အစိုးရအဖွဲ့အား လာမည့် ဇွန်လ ၃ ရက်တွင် အတည်ပြုပေးရန် လွှတ်တော် အမတ်များအား တောင်းဆိုရန် စီစဉ်ထားလျက်ရှိကြောင်း သိရှိပါသည်။
No comments:
Post a Comment