တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan) နှင့် အီရန် သမ္မတ အီဗရာဟင်ရိုင်စီ (Ebrahim Raisi) တို့သည် ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) ထိပ်သီးအစည်းအဝေး၏ ဆက်စပ်အစည်းအဝေးအဖြစ် တံခါးပိတ်ဆွေးနွေးမှု ပြုလုပ်ခဲ့ကြောင်း Yeni Safak သတင်းဌာနက စက်တင်ဘာလ ၁၇ ရက်တွင် ဖော်ပြခဲ့ ပါသည်။ သို့သော်လည်း ခေါင်းဆောင်နှစ်ဦးအကြား စက်တင်ဘာလ ၁၆ ရက်တွင် ပြုလုပ်ခဲ့သည့် အဆိုပါတံခါးပိတ်ဆွေးနွေးမှုနှင့်ပတ်သက်၍ သတင်းတစ်စုံတစ်ရာ ထုတ်ပြန် သေးခြင်းမရှိပေ။ ထို့ပြင် သမ္မတအာဒိုဂန်သည် အဇာဘိုင်ဂျန်၊ တရုတ်၊ ရုရှား၊ မိုဂိုလီးယား၊ ပါကစ္စတန်နှင့် အိန္ဒိယနိုင်ငံခေါင်းဆောင်တို့နှင့်လည်း သီးခြားစီတွေ့ဆုံပြီး တံခါးပိတ် ဆွေးနွေးမှုများပြုလုပ်ခဲ့ပါသည်။ SCO ၏ ဆွေးနွေးဖက်နိုင်ငံအဖြစ် တူကီယဲဝင်ရောက် ခဲ့သည့် ၂၀၁၂ ခုနှစ်နောက်ပိုင်း ပထမဆုံးအကြိမ်ပြုလုပ်သော ထိပ်သီးဆွေးနွေးပွဲသို့ သမ္မတ အာဒိုဂန် တက်ရောက်ခဲ့ခြင်းဖြစ်ကြောင်း သိရှိရပါသည်။
No comments:
Post a Comment