တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan)နှင့် ရုရှား သမ္မတ ဗလာဒီမာပူတင် (Vladimir Putin) တို့သည် ဒီဇင်ဘာလ ၁၁ ရက်က တယ်လီဖုန်းမှ တစ်ဆင့် ဆက်သွယ်ဆွေးနွေးပြောဆိုမှုများ ပြုလုပ်ခဲ့ကြပါသည်။ ထိုသို့ဆွေးနွေးရာတွင် တူကီယဲ-ရုရှားဆက်ဆံရေး၊ ပင်လယ်နက်မှတစ်ဆင့်ကောက်ပဲသီးနှံများ တင်ပို့မှုအခြေအနေ၊ တူကီယဲ-ဆီးရီးယား နယ်စပ်တစ်လျှောက် အကြမ်းဖက်ဝါဒတိုက်ဖျက်ရေး လုပ်ဆောင်နေမှု များနှင့်စပ်လျဉ်း၍ ထည့်သွင်းပြောဆိုခဲ့ကြောင်း တူကီယဲသမ္မတရုံး၏ ထုတ်ပြန်ချက်တွင် ဖော်ပြထားပါသည်။ ထို့ပြင် လက်ရှိရရှိထားသည့် ကောက်ပဲသီးနှံ သဘောတူညီချက် (Grain Deal) တွင် အခြားသောစားသောက်ကုန်များနှင့် လူသုံးကုန်ပစ္စည်းများ ထပ်မံ ထည့်သွင်းခွင့်ပြုသွားရေးနှင့်စပ်လျဉ်း၍လည်း သမ္မတနှစ်ဦးအကြား အလေးအနက်ထား ဆွေးနွေးပြောဆိုမှုပြုလုပ်ခဲ့ကြောင်း သိရှိရပါသည်။
No comments:
Post a Comment