တူကီယဲနှင့် အီရန်နိုင်ငံတို့သည် (၁၉)ကြိမ်မြောက် ကောင်စစ်ဝန်ဆက်ဆံရေး ဆိုင်ရာ ဆွေးနွေးညှိနှိုင်းပွဲကို အီရန်နိုင်ငံ၊ မြို့တော် တီဟီရန် (Tehran) ၌ ဇန်နဝါရီလ ၁၅ ရက်တွင် ကျင်းပပြုလုပ်ခဲ့ကြောင်း Yeni Safak သတင်းဌာနက ဇန်နဝါရီလ ၁၆ ရက်တွင် ဖော်ပြခဲ့ပါသည်။ အဆိုပါဆွေးနွေးပွဲတွင် တူကီယဲဒုတိယနိုင်ငံခြားရေးဝန်ကြီး ယဲစင်အက်ခ်ရမ်ဆီရင်မ် (Yasin Ekrem Serim) နှင့် အီရန်ဒုတိယနိုင်ငံခြားရေးဝန်ကြီး အဲလီရီဇာဘက်ဒဲလီ (Alireza Bigdeli) တို့က နှစ်နိုင်ငံကောင်စစ်ဝန်ရုံးဆိုင်ရာ ကိစ္စရပ် များနှင့် ပြည်သူလူထုကိစ္စရပ်များနှင့်ပတ်သက်၍ ဆွေးနွေးမှုများပြုလုပ်ခဲ့ကြပါသည်။ ၎င်းဆွေးနွေးပွဲသို့ နှစ်နိုင်ငံတရားရေးဝန်ကြီးဌာနနှင့် နိုင်ငံတကာရဲဌာနများမှ ကိုယ်စားလှယ် များတက်ရောက်ခဲ့ကြောင်း သိရှိရပါသည်။
No comments:
Post a Comment