ပိုလန်နိုင်ငံသည် Leopard 2 ပင်မတိုက်ပွဲဝင်တင့်ကားများအတွက် ယူကရိန်း တပ်ဖွဲ့ဝင်များကို သီတင်းပတ် ၅ ပတ်ကြာ လေ့ကျင့်သင်ကြားပေးရန် ရည်ရွယ်ထား ကြောင်း ပိုလန်၏ Leopard လေ့ကျင့်ရေးစင်တာအကြီးအကဲ ဗိုလ်မှူး မက်စီဘန်နက် ဇမ်စကီ (Maciej Banaszynski) က ပြောကြားထားသည်ဟု Pravda သတင်းဌာနက ဇန်နဝါရီလ ၃၁ ရက်တွင် ဖော်ပြထားပါသည်။ Leopard လေ့ကျင့်ရေးကွင်းများ၌ တပ်ဖွဲ့ဝင် ၄ ဦးစီပါဝင်သည့် အဖွဲ့ ၁၄ ဖွဲ့အထိ တစ်ချိန်တည်းလေ့ကျင့်ပေးနိုင်ပြီး ပုံမှန်အချိန်တွင် လေ့ကျင့်ရေးကာလသည် သီတင်းပတ် ၁၀ ပတ်ခန့်ရှိကြောင်း ၎င်းက ဆက်လက် ပြောကြားထားပါသည်။ ပိုလန်နိုင်ငံသည် ယူကရိန်းနိုင်ငံသို့ Leopard တင့်ကား ၁၄ စီး ပေးပို့ရန် ကတိပြုထားကြောင်း သိရှိရပါသည်။
No comments:
Post a Comment