ဂရိနှင့် ဘူလ်ဂေးရီးယားနိုင်ငံတို့သည် အေဂျီယံပင်လယ်ရှိ ဂရိနိုင်ငံပိုင် အဲလက်ဇန်ဒရိုပိုလီစ် (Alexandroupolis) ဆိပ်ကမ်းမှ ရေနံစိမ်းများကို ဘူလ်ဂေးရီးယား နိုင်ငံ၊ ဘူဂစ်မြို့ (Burgas) ရှိ ပင်လယ်နက်ဆိပ်ကမ်းသို့ ပို့ဆောင်ရန်အတွက် ပိုက်လိုင်း စီမံကိန်းများကို ပြန်လည်အကောင်အထည်ဖော်ဆောင်သွားမည်ဖြစ်ကြောင်း ဂရိ ဝန်ကြီးချုပ် ကရီယာကော့စ်မစ်ဆိုတားကစ် (Kyriakos Mitsotakis) က ပြောကြားခဲ့ သည်ဟု Al Arabiya သတင်းဌာနက ဖေဖော်ဝါရီလ ၁၇ ရက်တွင် ဖော်ပြခဲ့ပါသည်။ ဘူလ်ဂေးရီးယားအနေဖြင့် ပင်လယ်နက်ရှိ ၎င်းတို့၏တစ်ခုတည်းသော ရေနံချက်စက်ရုံ အတွက် ရုရှားထံမှ ရေနံစိမ်းရယူခြင်းကင်းဝေးစေရန် ကီလိုမီတာ ၃၀၀ ရှည်လျားသော ဘော်လကန်ဒေသအား ဖြတ်ကျော်၍ ရေနံပိုက်လိုင်းကို တည်ဆောက်ရန် ကြိုးပမ်း ဆောင်ရွက်နေခြင်း ဖြစ်ပါသည်။ ဂရိလျှပ်စစ်စွမ်းအင်ထုတ်လုပ်သူများအနေဖြင့် ဘူလ်ဂေးရီးယားတွင် ၎င်းတို့၏ ဓာတ်ငွေ့များအား သိုလှောင်နိုင်ရေးအတွက်လည်း သဘောတူညီမှုများရရှိခဲ့ကြောင်း မစ်ဆိုတားကစ်က ပြောကြားခဲ့သည်ဟု သိရှိရပါ သည်။
No comments:
Post a Comment