တူကီယဲနိုင်ငံ၌ ငလျင်ကပ်ဘေးဖြစ်ပေါ်ပြီးနောက်ပိုင်း ရှာဖွေကယ်ဆယ်ရေး လုပ်ငန်းများ၌ နိုင်ငံပေါင်း ၈၈ နိုင်ငံမှ ကယ်ဆယ်ရေးအဖွဲ့ဝင် ၁၁,၀၀၀ ဦးကျော် ပူးပေါင်း ပါဝင်ခဲ့ကြောင်း တူကီယဲနိုင်ငံခြားရေးဝန်ကြီး မက်ဗလက်ကာဗူဆိုဂလူ (Mevlut Cavusoglu) က ပြောကြားခဲ့သည်ဟု TASS သတင်းဌာနက ဖေဖော်ဝါရီလ ၁၈ ရက်တွင် ဖော်ပြထား ပါသည်။ နိုင်ငံပေါင်း ၂၃ နိုင်ငံမှ ရှာဖွေကယ်ဆယ်ရေးအဖွဲ့များသည် ၎င်းတို့၏ လုပ်ငန်း တာဝန်များပြီးဆုံး၍ သက်ဆိုင်ရာနိုင်ငံများသို့ ပြန်လည်ရောက်ရှိပြီဖြစ်ကြောင်းနှင့် နိုင်ငံပေါင်း ၁၀၂ နိုင်ငံမှလည်း ကူညီထောက်ပံ့မှုများပေးအပ်ရေးအတွက် ကမ်းလှမ်းထားရှိကြောင်း ကိုလည်း ကာဗူဆိုဂလူက ဆက်လက်ပြောကြားခဲ့ပါသည်။ နောက်ဆုံးမြေပြင်သတင်း များအရ တူကီယဲနိုင်ငံအတွင်း ဖြစ်ပေါ်ခဲ့သည့် ငလျင်ကပ်ဘေးများကြောင့် လူပေါင်း ၄၀,၀၀၀ ဦး နီးပါးသေဆုံးခဲ့ပြီး ၁၀၅,၀၀၀ ဦးကျော် ထိခိုက်ဒဏ်ရာရရှိခဲ့ကြောင်း သိရှိရ ပါသည်။
No comments:
Post a Comment