တူကီယဲ၊ ရုရှား၊ ဆီးရီးယားနှင့် အီရန်နိုင်ငံတို့မှ ကာကွယ်ရေးနှင့် ထောက်လှမ်းရေး အကြီးအကဲများသည် ဧပြီလ ၂၅ ရက်တွင် ရုရှားနိုင်ငံ၌ တွေ့ဆုံသွားမည်ဖြစ်ကြောင်း တူကီယဲကာကွယ်ရေးဝန်ကြီး ဟူလူစီအက်ကာ (Hulusi Akar) က ဧပြီလ ၂၄ ရက်တွင် ပြောကြားခဲ့သည်ဟု Mehr News သတင်းဌာနက ဧပြီလ ၂၄ ရက်တွင် ရေးသားဖော်ပြ ခဲ့ပါသည်။ ၎င်းတို့အနေဖြင့် ထိုကဲ့သို့ တွေ့ဆုံဆွေးနွေးမှုများမှတစ်ဆင့် ဒေသတွင်း တည်ငြိမ်အေးချမ်းမှု အမြန်ဆုံးရရှိနိုင်ရေးလုပ်ဆောင်သွားမည်ဖြစ်ကြောင်း ကာကွယ်ရေး ဝန်ကြီး အက်ကာက ပြောကြားခဲ့ပါသည်။ တူကီယဲနှင့် ဆီးရီးယားနိုင်ငံတို့အကြား ပုံမှန် ဆက်ဆံရေးတည်ဆောက်ရန်ကြိုးပမ်းမှု အစိတ်အပိုင်းတစ်ရပ်အနေဖြင့် ရုရှား၊ ဆီးရီးယားနှင့် တူကီယဲတို့၏ ကာကွယ်ရေးဝန်ကြီးများအကြား ဆွေးနွေးပွဲများကို ၂၀၂၂ ခုနှစ်၊ ဒီဇင်ဘာလ ၂၈ ရက်တွင် စတင်ပြုလုပ်ခဲ့ခြင်းဖြစ်ကြောင်း သိရှိရပါသည်။
No comments:
Post a Comment