တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan) သည် ၎င်း၏ ပြန်လည်ရွေးကောက်တင်မြှောက်ပွဲမဲဆွယ်စည်းရုံးမှုကို စတင်ပြုလုပ်ခဲ့ခြင်း

 

 တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan) သည် ၎င်း၏ ပြန်လည်ရွေးကောက်တင်မြှောက်ပွဲမဲဆွယ်စည်းရုံးမှုကို စတင်ပြုလုပ်ခဲ့ကြောင်း Xinhua သတင်းဌာနက ဧပြီလ ၁၂ ရက်တွင် ဖော်ပြခဲ့ပါသည်။ အဆိုပါ မဲဆွယ်စည်းရုံး မှုတွင် နိုင်ငံ၏ငွေကြေးဖောင်းပွမှုမြင့်တက်မှုများကို လျှော့ချသွားရန်နှင့် စီးပွားရေးတိုးတက် မှုကိုမြှင့်တင်ရန် အာဒိုဂန်က ကတိပြုပြောကြားခဲ့ပါသည်။ အာဒိုဂန်ဦးဆောင်သော တရားမျှတမှုနှင့် ဖွံ့ဖြိုးတိုးတက်ရေးပါတီ (The ruling Justice and Development Party's-AKP) အနေဖြင့် ၂၀၂၄ မှ ၂၀၂၈ ခုနှစ်အတွင်း နှစ်စဉ် စီးပွားရေးတိုးတက်မှုနှုန်း ၅.၅ ရာခိုင်နှုန်းရရှိရန် ရည်ရွယ်ပြီး ၂၀၂၈ နှစ်ကုန်တွင် ပြည်တွင်းအသားတင်ထုတ်လုပ်မှု တန်ဖိုးကို အမေရိကန်ဒေါ်လာ ၁.၅ ထရီလီယံအထိ မြှင့်တင်ရန် ရည်ရွယ်ထားကြောင်း အာဒိုဂန်က ပြောကြားခဲ့ခြင်းဖြစ်ပါသည်။ ၎င်းအစိုးရသည် ရင်းနှီးမြှုပ်နှံမှု၊ ထုတ်လုပ်မှုနှင့် ပို့ကုန်များအပေါ် အာရုံစိုက်မည်ဖြစ်ပြီး နိုင်ငံခြားကုန်သွယ်မှုပမာဏကို အမေရိကန်ဒေါ်လာ           ၁ ထရီလီယံသို့ရောက်ရှိရန် ရည်ရွယ်ထားသည်ဟု အာဒိုဂန်က ပြောကြားခဲ့ကြောင်း သိရှိရပါသည်။