တူကီယဲနိုင်ငံသည် အိမ်နီးချင်းဂရိနိုင်ငံတွင် ဖြစ်ပွားနေသည့် တောမီးလောင် ကျွမ်းမှုများကို ငြိမ်းသတ်နိုင်ရေးအတွက် အကူအညီများပေးအပ်ရန် ကမ်းလှမ်းထားကြောင်း တူကီယဲသံတမန်ရေး သတင်းအရင်းအမြစ်များကိုကား၍ Anadolu Agency သတင်း ဌာနက ဩဂုတ်လ ၂၃ ရက်တွင် ဖော်ပြခဲ့ပါသည်။ တူကီယဲနိုင်ငံသည် ဂရိနိုင်ငံ၊ အလက်ဇန်း ဒရိုပိုလစ် (Alexandroupolis) နှင့် ရိုဒိုပီ (Rodopi) မြို့များတွင် ဆက်လက်လောင်ကျွမ်း နေသည့် တောမီးလောင်ကျွမ်းမှုများအတွက် ဂရိနိုင်ငံသို့ လေယာဉ် ၂ စီး၊ ရဟတ်ယာဉ် ၂ စီးနှင့် လူ ၆၀ ပါ မြေပြင်အထောက်အကူပြုအဖွဲ့တစ်ဖွဲ့ကို စေလွှတ်ရန် အသင့်ဖြစ်နေ ကြောင်းနှင့် အဆိုပါကမ်းလှမ်းချက်ကို ဂရိအာဏာပိုင်များထံ ဩဂုတ်လ ၂၁ ရက်တွင် ပေးပို့ခဲ့ကြောင်း ထုတ်ပြန်ထားပါသည်။ ဂရိနိုင်ငံအရှေ့မြောက်ပိုင်း အလက်ဇန်းဒရိုပိုလစ် ပြည်နယ်၌ ဩဂုတ်လ ၁၉ ရက်က စတင်ဖြစ်ပွားခဲ့သည့် တောမီးလောင်ကျွမ်းမှုကြောင့် သစ်တောနှင့် စိုက်ပျိုးရေးဧရိယာအများအပြားပျက်စီးခဲ့ရကြောင်း သိရှိရပါသည်။
No comments:
Post a Comment