တူရကီနိုင်ငံသည် ၂၀၂၀ ပြည့်နှစ်အတွင်း၌ လစ်ဗျားနိုင်ငံနှင့်လက်မှတ်ရေးထိုး ထားသည့် လုံခြုံရေးနှင့် ပင်လယ်ပြင်နယ်နိမိတ်သတ်မှတ်ရေးဆိုင်ရာ သဘောတူစာချုပ် များအား အပြည့်အဝအကောင်အထည်ဖော်ဆောင်သွားမည်ဖြစ်ကြောင်း တူရကီသမ္မတ ရီဆတ်တေရစ်အာဒိုဂန် (Recep Tayyip Erdogan) က ဒီဇင်ဘာလ ၃၁ ရက်တွင် ပြောကြားခဲ့ပါသည်။ အဆိုပါသဘောတူစာချုပ် ၂ ခုသည် တူရကီနိုင်ငံအတွက် မဟာ ဗျူဟာမြောက်အရေးပါမှုများကို ရရှိစေမည်ဖြစ်ကြောင်းနှင့် တူရကီနိုင်ငံအား မြေထဲ ပင်လယ်ဒေသမှဖယ်ထုတ်ရန် လုပ်ဆောင်နေသည့်အစီအမံများသည်လည်း အဆိုပါ သဘောတူစာချုပ်များကြောင့် ပျက်ပြားသွားစေမည်ဖြစ်ကြောင်း ၎င်းက ဆက်လက် ပြောကြားခဲ့ပါသည်။ ထို့ပြင် ၎င်းသဘောတူစာချုပ်များကြောင့် တူရကီနိုင်ငံသည် ကုလသမဂ္ဂကျောထောက်နောက်ခံပြု ထရီပိုလီအစိုးရအား ထောက်ပံ့ကူညီရန်အတွက် ၎င်း၏ တပ်ဖွဲ့ဝင်များကို လစ်ဗျားနိုင်ငံသို့ စေလွှတ်နိုင်မည်ဖြစ်ကြောင်း သိရှိရပါသည်။
No comments:
Post a Comment