ဥရောပပါလီမန်သည် ဥရောပသမဂ္ဂနှင့် အယ်လ်ဘေးနီးယားတို့အကြား အဖွဲ့ဝင် နိုင်ငံဖြစ်ရေးဆိုင်ရာဆွေးနွေးမှုများ ပြုလုပ်ခြင်းအပေါ် ထောက်ခံခဲ့ခြင်း

 

Xinhua; Feb-4(Tue)

              ဥရောပပါလီမန်အနေဖြင့် အယ်လ်ဘေးနီးယားနိုင်ငံနှင့် ဥရောပသမဂ္ဂတို့ အကြား အယ်လ်ဘေးနီးယားနိုင်ငံ၏ ဥရောပသမဂ္ဂအဖွဲ့ဝင်နိုင်ငံဖြစ်ရေးဆိုင်ရာ ဆွေးနွေးမှုများပြုလုပ်ခြင်းအပေါ် ထောက်ခံကြောင်း ဥရောပပါလီမန်ဉက္ကဋ္ဌ ဒေးဗစ် ဆာဆိုလီ (David Sassoli)က ဖေဖော်ဝါရီလ ၃ ရက်တွင် ပြောကြားခဲ့ပါသည်။ ၂၀၁၉ ခုနှစ်အကုန်တွင် အယ်လ်ဘေးနီးယားနှင့် ဥရောပသမဂ္ဂတို့အကြား အဖွဲ့ဝင်နိုင်ငံ ဖြစ်ရေးဆိုင်ရာဆွေးနွေးမှုများ နှောင့်နှေးခဲ့ရာ အယ်လ်ဘေးနီးယားနိုင်ငံသို့ ၂ ရက်ကြာ တရားဝင်ခရီးရောက်ရှိနေသည့် ဆာဆိုလီက ဆွေးနွေးပွဲများပြန်လည်စတင်သင့် ကြောင်း ပြောကြားခဲ့ပါသည်။ ဥရောပသမဂ္ဂအဖွဲ့ဝင်နိုင်ငံများမှ အယ်လ်ဘေးနီးယား နိုင်ငံ၏ အဖွဲ့ဝင်နိုင်ငံဖြစ်ရေးလုပ်ဆောင်ချက်အပေါ် မထောက်ခံခြင်းနှင့်စပ်လျဉ်း၍ အယ်လ်ဘေးနီးယားပြည်သူများအတွက် စိတ်အနှောင့်အယှက်ဖြစ်ပေါ်နေမှုကို နားလည် သော်လည်း ၎င်းပြည်သူများသည် ဥရောပသမဂ္ဂအဖွဲ့ဝင်နိုင်ငံဖြစ်ရေးကို မျှော်လင့်နေဆဲ ဖြစ်သည်ကို သိရှိပါကြောင်း ဆာဆိုလီက ပြောကြားခဲ့ပါသည်။

              အယ်လ်ဘေးနီးယားနှင့် မက်ဆီဒီုးနီးယားနိုင်ငံတို့သည် အဖွဲ့ဝင်နိုင်ငံဖြစ်ရေး နှင့်စပ်လျဉ်း၍ ဥရောပသမဂ္ဂနှင့်အတူ ဆွေးနွေးမှုများပြုလုပ်ရန် သင့်လျော်မှုရှိကြောင်း နှင့် နှစ်နိုင်ငံစလုံးသည် ဥရောပသမဂ္ဂ၏မျှော်မှန်းချက်များနှင့်အညီ ကြီးမားသော လုပ်ငန်းစဉ်ကို လုပ်ဆောင်ခဲ့ကြောင်း ၎င်းက ပြောကြားခဲ့ပါသည်။ အယ်လ်ဘေးနီးယား နိုင်ငံ၏ အဖွဲ့ဝင်နိုင်ငံဖြစ်ရေးလုပ်ငန်းစဉ်သည် အမှန်တကယ်လိုအပ်ကြောင်းနှင့် အနောက် ဘောလ်ကန်နိုင်ငံများအပါအဝင် အခြားသောနိုင်ငံများ၏ အဖွဲ့ဝင်နိုင်ငံဖြစ်ရေးဆိုင်ရာ လုပ်ငန်းစဉ်များအတိုင်း လုပ်ဆောင်သွားရန်လိုအပ်ကြောင်း ၎င်းက ပြောကြားခဲ့ ပါသည်။ ဥရောပပါလီမန်အနေဖြင့် အယ်လ်ဘေးနီးယားနိုင်ငံ၏ အဖွဲ့ဝင်နိုင်ငံဖြစ်ရေး နှင့်စပ်လျဉ်း၍ အပြုသဘောဆောင်သောဆုံးဖြတ်ချက်တစ်ရပ် ချမှတ်ထားရှိသော် လည်း အဆိုပါဆုံးဖြတ်ချက်အား အဖွဲ့ဝင်နိုင်ငံများက တစ်ညီတစ်ညွတ်တည်း ထောက်ခံ သွားရန်လိုအပ်ကြောင်း ဆာဆိုလီက ၂၀၁၉ ခုနှစ်တွင် ပြောကြားထားသည်ဟု သိရှိရ ပါသည်။