ရိုမေနီးယား အထက်လွှတ်တော်ဥက္ကဋ္ဌသည် ရာထူးမှ နုတ်ထွက်ခဲ့ခြင်း

 

Xinhua; 4-Feb(Tue)

              ရိုမေနီးယားအထက်လွှတ်တော်ဥက္ကဋ္ဌ တီရိုဒါမီလက်စ်ကာနု (Teodor Melescanu) သည် ဖွဲ့စည်းပုံအခြေခံဥပဒေခုံရုံးက ၎င်း၏ရာထူးနေရာအတွက် ရွေးချယ်ခံခဲ့ရမှု အပေါ် အခြေခံဥပဒေနှင့်ညီညွတ်မှုမရှိကြောင်း ဆုံးဖြတ်ခဲ့သည့်အတွက် ဖေဖော်ဝါရီလ ၃ ရက်က ရာထူးမှနုတ်ထွက်ကြောင်း ကြေညာခဲ့ပါသည်။ မီလက်စ်ကာနုက ဖွဲ့စည်းပုံ အခြေခံဥပဒေခုံရုံးမှ တရားဝင်ထုတ်ပြန်ကြေညာခြင်းမရှိသေးသော်လည်း မိမိအနေဖြင့် နုတ်ထွက်ရန် ဆုံးဖြတ်ပြီးဖြစ်ကြောင်း ပြောကြားခဲ့ပါသည်။ ထို့ပြင် ၎င်းအနေဖြင့် အခြေခံ ဥပဒေခုံရုံးနှင့် ဆိုရှယ်ဒီမိုကရက်တစ်ပါတီဝင်များ (Social Democratic Group) ၏ လုပ်ထုံးလုပ်နည်းအရ ဝင်ရောက်အရွေးခံခဲ့ခြင်းဖြစ်ပြီး အထက်လွှတ်တော်၏ စည်းမျဉ်း နှင့်အညီ မဲအများဆုံးရရှိခဲ့ခြင်းဖြစ်ကြောင်း ထည့်သွင်းပြောကြားခဲ့ပါသည်။ အထက် လွှတ်တော်တွင် နေရာအများဆုံးရရှိထားသည့် အတိုက်အခံဆိုရှယ်ဒီမိုကရက်တစ် ပါတီ၏ ယာယီဥက္ကဋ္ဌ မာဆယ်ဆီရိုလာကူ(Marcel Ciolacu) က အထက်လွှတ်တော် ဒုတိယဥက္ကဋ္ဌ တီတက်စ်ကော်လာတီးန်(Titus Corlatean) အား အခြေခံဥပဒေခုံရုံးမှ တရားဝင်ထုတ်ပြန်ချက်မရမီ  မီလက်စ်ကာနုနေရာတွင် ကြားဖြတ်အထက်လွှတ်တော် ဥက္ကဋ္ဌအဖြစ်ဆက်ခံရန် ထောက်ခံပါကြောင်း ကြေညာခဲ့ပါသည်။

              မီလက်စ်ကာနုသည် ပြီးခဲ့သည့် ၂၀၁၉ ခုနှစ်၊ စက်တင်ဘာလတွင် ရိုမေနီးယား အထက်လွှတ်တော်ဥက္ကဋ္ဌ ရာထူးနေရာအတွက် ရွေးချယ်ခံခဲ့ရစဉ် လစ်ဘရယ်နှင့် ဒီမိုကရက်ညွန့်ပေါင်းပါတီအဖွဲ့ဝင်ဖြစ်သော်လည်း အာဏာရဆိုရှယ်ဒီမိုကရက်တစ် ပါတီမှ ၎င်းအားထောက်ခံပေးခဲ့သည့်အတွက် ထိုသို့ရှုပ်ထွေးမှု ဖြစ်ပေါ်ခဲ့ခြင်းဖြစ်ပါ သည်။ ထို့ပြင် အဆိုပါလွှတ်တော်ဥက္ကဋ္ဌနေရာအတွက် လစ်ဘရယ်နှင့်ဒီမိုကရက် ညွန့်ပေါင်းပါတီတစ်ခုတည်းမှ မီလက်စ်ကာနုနှင့်အခြားအဖွဲ့ဝင်တစ်ဦး၏ အမည် စာရင်းအား တင်သွင်းခဲ့ခြင်းကြောင့်လည်းဖြစ်ပါသည်။ ဖွဲ့စည်းပုံအခြေခံဥပဒေခုံရုံး၏ စီရင်ချက်ချမှတ်ပြီးနောက် ရိုမေနီးယားအထက်လွှတ်တော် ဥက္ကဋ္ဌရာထူးနေရာ အတွက် မီလက်စ်ကာနုအား ၅၉ မဲ၊ ၇၃ မဲဖြင့် ရှုံးနိမ့်ခဲ့သည့် အလီနာဂေါ်ဂျူး (Alina Gorghiu) အား အမည်စာရင်း တင်သွင်းသွားမည်ဖြစ်ကြောင်း အမျိုးသားလစ်ဘရယ် ပါတီ (National Liberal Party) ခေါင်းဆောင်နှင့်ဝန်ကြီးချုပ်ဖြစ်သူ လူဒိုဗစ်အော်ဘန် (Ludovic Orban)က ကြေညာခဲ့သည်ဟု သိရှိရပါသည်။