ရုရှားနိုင်ငံခြားရေးဝန်ကြီး ဆာဂျီလက်ဗ်ရော့ (Sergey Lavrov)၊ ကာတာ နိုင်ငံခြားရေးဝန်ကြီး မိုဟာမက်ဘင်အဗ္ဗဒူလာမန်ရာမန် (Mohammed bin Abdulrahman Rahman)နှင့် တူရကီနိုင်ငံခြားရေးဝန်ကြီး ကာဗူဆိုဂလူ (Cavusoglu) တို့သည် ဆီးရီးယား နိုင်ငံအရေးကိစ္စနှင့်ပတ်သက်၍ ပူးတွဲဆွေးနွေးတိုင်ပင်မှုတစ်ရပ်အား စတင်လုပ်ဆောင်ရန် ကြေညာခဲ့ပါသည်။ အဆိုပါ လုပ်ငန်းစဉ်အသစ်သည် လူသားချင်းစာနာမှုကိစ္စများနှင့်အတူ အက်စတာနာ (Astana) ငြိမ်းချမ်းရေးလုပ်ငန်းစဉ်ကိုလည်း အဓိကထားလုပ်ဆောင်သွား မည်ဖြစ်ကြောင်း ဝန်ကြီးများက ပြောကြားခဲ့ပါသည်။ တူရကီနှင့် ရုရှားနိုင်ငံတို့သည် ဆီးရီးယားငြိမ်းချမ်းရေးကိစ္စကို ပြီးခဲ့သော ၂၀၂၀ ပြည့်နှစ်မှစတင်ကာ ဆောင်ရွက်ခဲ့ခြင်း ဖြစ်ပြီး ယခုအခါတွင် ကာတာနိုင်ငံသည်လည်း ပါဝင်လာခဲ့ပြီဖြစ်ကြောင်း ဆာဂျီ လက်ဗ်ရော့က ပြောကြားခဲ့သည်ဟု သိရှိရပါသည်။
No comments:
Post a Comment