နေတိုးမဟာမိတ်ဖြစ်သော တူရကီနိုင်ငံအနေဖြင့် ရုရှားနိုင်ငံမှ ဒုံးပျံကာကွယ်ရေး စနစ်များထပ်မံဝယ်ယူမည်ဆိုပါက အမေရိကန်၏ ပိတ်ဆို့အရေးယူဒဏ်ခတ်မှုများ နှင့် ရင်ဆိုင်ရလိမ့်မည်ဖြစ်ကြောင်း အမေရိကန်အထက်လွှတ်တော်အမတ်များက သတိပေးပြောကြားခဲ့ပါသည်။ စက်တင်ဘာလ ၂၉ ရက်တွင် ရုရှားနိုင်ငံ၊ ဆိုချီမြို့၌ ပြုလုပ်မည့် တူရကီသမ္မတ အာဒိုဂန်နှင့် ရုရှားသမ္မတပူတင်တို့ တွေ့ဆုံမှုမတိုင်မီ အမေရိကန်အထက်လွှတ်တော်အမတ်များ၏ သတိပေးပြောဆိုမှုများ ထွက်ပေါ်လာ ခြင်းဖြစ်ပါသည်။ ထွက်ပေါ်နေသည့်သတင်းများအရ ဒုတိယမြောက် S-400 ဒုံးပျံ ကာကွယ်ရေးစနစ်ဝယ်ယူရောင်းချရေးမတိုင်မီ ရုရှားနှင့်တူရကီအကြား နည်းပညာ လွှဲပြောင်းပေးရေးနှင့် ပြည်တွင်းထုတ်လုပ်ရေးတို့နှင့်စပ်လျဉ်း၍ ဆွေးနွေးညှိနှိုင်းလျက် ရှိကြောင်း သိရှိရပါသည်။
No comments:
Post a Comment