ချက်သမ္မတနိုင်ငံ လွှတ်တော်ရွေးကောက်ပွဲများတွင် လက်ရှိအာဏာရပါတီရှုံးနိမ့်ပြီး အတိုက်အခံပါတီ အနိုင်ရရှိခဲ့ခြင်း

 

Reuters; Oct-10 (Sun)

                        ချက်သမ္မတနိုင်ငံသည် အောက်တိုဘာလ ၁၀ ရက်က ပြုလုပ်ခဲ့သည့် လွှတ်တော်ရွေးကောက်ပွဲများတွင် ဗဟိုလက်ယာဖြစ်သည့် အတိုက်အခံပါတီ “Together” အနိုင်ရရှိခဲ့ပြီး လက်ရှိဝန်ကြီးချုပ် အန်ဒရေဘာဘစ်စ် (Andrej Babis) ၏ ANO ပါတီ ရှုံးနိမ့်ခဲ့ရပါသည်။ လွှတ်တော်တွင် လူများစုဖြစ်စေရန်အတွက် Together ပါတီနှင့် အခြားအတိုက်အခံပါတီတစ်ခုဖြစ်သော Pirates/Mayors တို့ ပူးပေါင်းကြမည် ဖြစ်ပါသည်။ ထိုသို့ပေါင်းစည်းမည်ဆိုပါက အမတ်နေရာ ၂၀၀ ရှိသော ချက်လွှတ်တော် တွင် Together ပါတီနှင့် Pirates/Mayors ပါတီတို့သည် အမတ်နေရာ ၁၀၈ နေရာဖြင့် လူများစုဖြစ်လာပြီး လွှတ်တော်ကို ထိန်းချုပ်နိုင်မည် ဖြစ်ပါသည်။

                        လတ်တလောထုတ်ပြန်ထားသည့် ရွေးကောက်ပွဲရလဒ်များအရ မဲဆန္ဒနယ် အားလုံး၏ ၉၉.၉၇ ရာခိုင်နှုန်း ရေတွက်ပြီးချိန်တွင် အတိုက်အခံ Together ပါတီက ၂၇.၇၈ ရာခိုင်နှုန်း၊ လက်ရှိအာဏာရ ANO ပါတီက ၂၇.၁၃ ရာခိုင်နှုန်းနှင့် Pirates/ Mayors ပါတီက ၁၅.၆၀ ရာခိုင်နှုန်း စသည်ဖြင့် ထောက်ခံမဲများရရှိထားပါသည်။ အတိုက်အခံပါတီအားလုံးက ဝန်ကြီးချုပ် ဘာဘစ်စ်နှင့် လက်တွဲလုပ်ဆောင်ရန် ငြင်းဆန်ထားပြီး အစိုးရသစ်ဖွဲ့စည်းနိုင်ရန် ကြိုးပမ်းသွားမည်ဖြစ်ကြောင်း ထုတ်ပြန် ထားပါသည်။ အစိုးရသစ်အနေဖြင့် လိုငွေပြနေသည့် ရသုံးခန့်မှန်းခြေငွေစာရင်းကို လျှော့ချဖြတ်တောက်မှုများ လုပ်ဆောင်သွားမည်ဖြစ်ပြီး အစိုးရ၏ လုပ်ကိုင်ဆောင်ရွက်မှု များကို ပွင့်လင်းမြင်သာစွာ ထုတ်ပြန်ပေးသွားမည်ဖြစ်ကြောင်း အတိုက်အခံပါတီ များက ပြောကြားခဲ့သည်ဟု သိရှိရပါသည်။