ဂရိနိုင်ငံအတွင်း အီရန်ရေနံတင်သင်္ဘောတစ်စီးအား အမေရိကန်နိုင်ငံက ဖမ်းဆီး သိမ်းယူထားမှုကို တုံ့ပြန်သည့်အနေဖြင့် အီရန်နိုင်ငံသည် ပြီးခဲ့သည့်မေလတွင် ပင်လယ်ကွေ့၌ ဂရိရေနံတင်သင်္ဘောနှစ်စီးကို ဖမ်းဆီးထိန်းသိမ်းထားခဲ့ရာ လက်ရှိတွင် အဆိုပါသင်္ဘော ၂ စီးရှိ အမှုထမ်းများအား ၎င်းတို့၏မိခင်နိုင်ငံများသို့ ပြန်လည်လွှတ်ပေးရန် သဘော တူညီခဲ့ကြောင်း Jpost သတင်းဌာနက စက်တင်ဘာလ ၁၂ ရက်တွင် ဖော်ပြခဲ့ပါသည်။ အီရန်နိုင်ငံအနေဖြင့် ဂရိနိုင်ငံပိုင်သင်္ဘောအား ဖမ်းဆီးထိန်းသိမ်းခဲ့ပြီးနောက် အမေရိကန် နိုင်ငံနှင့် တင်းမာမှုများပိုမိုမြင့်တက်လာခဲ့သည့်အပြင် အီရန်နှင့် ဂရိနိုင်ငံအကြား ဆက်ဆံရေး သည်လည်း တင်းမာလာခဲ့ပါသည်။ အီရန်နိုင်ငံသည် ၎င်းတို့ထိန်းသိမ်းထားသည့် ဂရိ ရေနံတင်သင်္ဘော ၂ စီးအား ပြန်လည်ပေးအပ်သွားမည့်အချိန်ကိုမူ ထုတ်ဖော်ပြောကြား ထားခြင်းမရှိသေးကြောင်း သိရှိရပါသည်။
No comments:
Post a Comment