ဆလိုဗက်ကီးယားနိုင်ငံရှိ Freedom and Solidarity (SaS) ပါတီမှ ဝန်ကြီး အများအပြား ရာထူးမှနုတ်ထွက်ခဲ့ပြီးနောက် ၎င်းပါတီသည် လွှတ်တော်အတွင်း ၎င်း၏ နေရာအများစုကို ဆုံးရှုံးခဲ့ကြောင်း Xinhua သတင်းဌာနက စက်တင်ဘာလ ၆ ရက်တွင် ဖော်ပြခဲ့ပါသည်။ ဆလိုဗက်ကီးယားဝန်ကြီးချုပ် အီဒက်ဒ်ဟီဂါ (Eduard Heger) သည် ရာထူးမှနုတ်ထွက်သည့် ဝန်ကြီးများ၏နေရာတွင် တာဝန်ထမ်းဆောင်မည့်အမည်စာရင်း များကို သမ္မတ ဇူဇနာကာပူတိုဗာ (Zuzana Caputova) ထံ ပေးပို့အကြောင်းကြား သွားမည်ဖြစ်ကြောင်း Slovak Republic of the News Agency (TASR) က ဖော်ပြခဲ့ ပါသည်။ ဘဏ္ဍာရေးဝန်ကြီး အီဂေါမတ်တိုဗစ် (Igor Matovic) အနေဖြင့် နိုင်ငံအတွင်း ငွေကြေးဖောင်းပွမှုနှင့် စွမ်းအင်အကျပ်အတည်းကို ကိုင်တွယ်ဖြေရှင်းရန် စီမံချက်များနှင့် ပတ်သက်၍ သဘောထားကွဲလွဲမှုများဖြစ်ပေါ်နေစဉ် ရာထူးမှနုတ်ထွက်ခြင်းမရှိပါက SaS ဝန်ကြီးများအနေဖြင့် လေးပါတီညွန့်ပေါင်းအဖွဲ့မှ နုတ်ထွက်သွားမည်ဟု ခြိမ်းခြောက် ခဲ့ပြီးနောက် အထက်ပါအတိုင်း နုတ်ထွက်မှုများဖြစ်ပေါ်ခဲ့ခြင်းဖြစ်ကြောင်း သိရှိရပါသည်။
No comments:
Post a Comment