ဆိုက်ပရပ်စ်သမ္မတသည် ဂျာမနီနိုင်ငံသို့ ချစ်ကြည်ခရီးသွားရောက်မည်ဆိုခြင်း

ဆိုက်ပရပ်စ်သမ္မတ နီကိုစ်းအက်နာစတာဆီရာဒစ် (Nicos Anastasiades) သည် ဂျာမနီနိုင်ငံသို့ နိုဝင်ဘာလ ၂၃ ရက်မှ ၂၄ ရက်အထိ သွားရောက်မည့်ခရီးစဉ် အတွင်း ဝန်ကြီးချုပ် အိုလက်ဖ်ရှိုဇ် (Olaf Scholz)၊ သမ္မတ ဖရန့်ဝေါလ်တာစတိန့်မိုင်ယာ (Frank-Walter Steinmeier)၊ ဝန်ကြီးချုပ်ဟောင်း အိန်ဂျလာမာကဲလ် (Angela Merkel) တို့နှင့် တွေ့ဆုံသွားမည်ဖြစ်ပါသည်။ သမ္မတ အက်နာစတာဆီရာဒစ်သည် ဂျာမနီနိုင်ငံ့ခေါင်းဆောင်များနှင့် တွေ့ဆုံမည့်ကိစ္စရပ်များအပါအဝင် ၂ ရက်ကြာ အလုပ် သဘောခရီးစဉ်အတွက် ဂျာမနီနိုင်ငံသို့ နိုဝင်ဘာလ ၂၂ ရက်တွင် စတင်ထွက်ခွာမည် ဖြစ်ပါသည်။ ထို့နောက် နိုဝင်ဘာလ ၂၃ ရက်တွင် ဂျာမနီနိုင်ငံရှိ Bellevue Palace သို့ သွားရောက်၍ သမ္မတ စတိန့်မိုင်ယာနှင့် သီးသန့်တွေ့ဆုံကာ နှစ်နိုင်ငံကိုယ်စားလှယ်များ အကြား ဆွေးနွေးညှိနှိုင်းမှုများ ပြုလုပ်မည်ဖြစ်ပါသည်။ ထို့ပြင် နိုဝင်ဘာလ ၂၄ ရက်တွင် ဂျူးပြတိုက် (Jewish Museum) သို့ သွားရောက်ပြီးနောက် ဝန်ကြီးချုပ်ဟောင်း အိန်ဂျလာမာကဲလ်နှင့်လည်း သီးသန့်တွေ့ဆုံသွားမည်ဖြစ်ကြောင်း သိရှိရပါသည်။