တူကီယဲနိုင်ငံသည် ကျူးဘားနိုင်ငံနှင့် ပူးပေါင်းဆောင်ရွက်မှုများ ပိုမိုလုပ်ဆောင် ရန်လိုလားလျက်ရှိကြောင်း တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan) က ပြောကြားခဲ့သည်ဟု Xinhua သတင်းဌာနက နိုဝင်ဘာလ ၂၃ ရက်တွင် ဖော်ပြခဲ့ပါသည်။ တူကီယဲနိုင်ငံသို့ အလုပ်သဘောခရီးရောက်ရှိနေသည့် ကျူးဘားသမ္မတ မီဂယ်ဒီးယက်ကနဲလ် (Miguel Diaz-Canel) နှင့်ပြုလုပ်သည့် ပူးတွဲသတင်းစာရှင်းလင်းပွဲ တစ်ခုတွင် ၎င်းက အထက်ပါအတိုင်းပြောကြားခဲ့ခြင်းဖြစ်ပါသည်။ နှစ်နိုင်ငံခေါင်းဆောင် များသည် စွမ်းအင်၊ ခရီးသွားကဏ္ဍ၊ ဆောက်လုပ်ရေးကဏ္ဍ၊ စိုက်ပျိုးရေး၊ ဖွံ့ဖြိုး တိုးတက်ရေး၊ ကျန်းမာရေးနှင့် သဘာဝပတ်ဝန်းကျင်ကိစ္စရပ်များတွင် ပိုမိုပူးပေါင်း ဆောင်ရွက်မှုပြုလုပ်နိုင်မည့် နည်းလမ်းများနှင့်ပတ်သက်၍ ဆွေးနွေးခဲ့ကြပြီး သဘောတူ စာချုပ် ၆ ခုကို လက်မှတ်ရေးထိုးခဲ့ကြောင်း သိရှိရပါသည်။
No comments:
Post a Comment