ဂရိရဲတပ်ဖွဲ့သည် ဂရိနိုင်ငံ၊ အေသင် (Athens) ရှိ Predator အမည်ရှိ သူလျှို Software ရောင်းချသည့် Intellexa နှင့် Krikel နည်းပညာကုမ္ပဏီများအပါအဝင် ကုမ္ပဏီ ၆ ခုအား ဝင်ရောက်စီးနင်းမှုပြုလုပ်ခဲ့ကြောင်း ဂရိနိုင်ငံပိုင်သတင်းဌာနက ဒီဇင်ဘာလ ၁၃ ရက်၌ ဖော်ပြခဲ့ကြောင်း Anadolu Agency သတင်းဌာနက ဒီဇင်ဘာလ ၁၄ ရက်တွင် ဖော်ပြခဲ့ပါသည်။ ဂရိနိုင်ငံတွင် လက်ရှိတာဝန်ထမ်းဆောင်လျက်ရှိသည့် ဝန်ကြီးများ၊ စစ်ဘက်မှ ဗိုလ်ချုပ်ကြီးများ၊ စီးပွားရေးသမားများနှင့် သတင်းထောက်များသည် Predator သူလျှို Software ၏ စောင့်ကြည့်မှုခံရလျက်ရှိကြောင်း ဂရိနိုင်ငံပိုင် Documento သတင်းဌာနက ဒီဇင်ဘာလ ၁၁ ရက်တွင် ဖော်ပြခဲ့ပြီးနောက် ဂရိရဲတပ်ဖွဲ့ဝင်များက အထက်ပါအတိုင်း စီးနင်းမှုပြုလုပ်ခဲ့ခြင်းဖြစ်ပါသည်။ Predator သူလျှို Software အား ဂရိနိုင်ငံ၏ ထောက်လှမ်းရေးအဖွဲ့အစည်းအများအပြားတွင် ကျယ်ပြန့်စွာအသုံးပြုလျက် ရှိကြောင်း သိရှိရပါသည်။
No comments:
Post a Comment