ရိုမေးနီးယားနိုင်ငံခြားရေးဝန်ကြီးသည် တူကီယဲနိုင်ငံသို့ သွားရောက်မည်ဖြစ်ခြင်း

ရိုမေးနီးယားနိုင်ငံခြားရေးဝန်ကြီး ဘော့ဒန်အူရက်စ်ကူ (Bogdan Aurescu) သည် တူကီယဲနိုင်ငံသို့ ဒီဇင်ဘာလ ၆ ရက်တွင် သွားရောက်မည်ဖြစ်ကြောင်း တူကီယဲနိုင်ငံခြားရေး ဝန်ကြီးဌာနက ထုတ်ပြန်ခဲ့ပါသည်။ အဆိုပါခရီးစဉ်အတွင်း အူရက်စ်ကူအနေဖြင့် တူကီယဲ နိုင်ငံခြားရေးဝန်ကြီး မက်ဗလက်ကာဗူဆိုဂလူ (Mevlut Cavusoglu) နှင့်တွေ့ဆုံ၍ နှစ်နိုင်ငံအကြား မဟာဗျူဟာမြောက်မိတ်ဖက်ဆက်ဆံရေးဆိုင်ရာ ကိစ္စရပ်များအား ဆွေးနွေးသွားမည်ဖြစ်ပါသည်။ ထို့ပြင် နှစ်နိုင်ငံအကြားကဏ္ဍပေါင်းစုံဆက်ဆံမှုတိုးမြှင့်ရေးတွင် အပြန်အလှန် ကတိကဝတ်များထားရှိမှုကို အခြေခံဆောင်ရွက်မည်ဖြစ်ပြီး နှစ်နိုင်ငံကုန်သွယ်မှု ပမာဏ အမေရိကန်ဒေါ်လာ ၁၀ ဘီလီယံအထိ တိုးတက်လာမှုအခြေအနေများအပြင် နိုင်ငံတကာရေးရာနှင့် ဒေသတွင်းအရေးကိစ္စရပ်များအပေါ် အမြင်ချင်းဖလှယ်ဆွေးနွေး သွားမည်ဖြစ်ကြောင်း သိရှိရပါသည်။