တူကီယဲနိုင်ငံအနေဖြင့် လက်ရှိတွင် ၅၆၅ ကီလိုမီတာ အကွာအဝေးအထိ ပစ်ခတ်နိုင်သည့် ပြည်တွင်းထုတ် ဒုံးကျည်များပိုင်ဆိုင်ထားပြီး အကွာအဝေး ၁,၀၀၀ ကီလိုမီတာအထိပစ်ခတ်နိုင်သည့် ဒုံးကျည်များထုတ်လုပ်နိုင်ရေး ဆက်လက်ဆောင်ရွက် သွားမည်ဟု တူကီယဲသမ္မတ ရီဆတ်တေရစ်အာဒိုဂန် (Recep Tayyip Erdogan) က ပြောကြားခဲ့သည်ဟု TRT world သတင်းဌာနက ဇန်နဝါရီလ ၁၅ ရက်တွင် ထုတ်ပြန်ခဲ့ ပါသည်။ ထို့ပြင် ၎င်းတာဝန်ထမ်းဆောင်ခဲ့သည့် ၂၀၀၀ ပြည့်နှစ်အစောပိုင်းကာလ များတွင် ပြည်တွင်း၌ ကာကွယ်ရေးပစ္စည်းထုတ်လုပ်နိုင်မှုမှာ ၂၀ ရာခိုင်နှုန်းခန့်ရှိခဲ့ရာမှ ၈၀ ရာခိုင်နှုန်းအထိမြင့်တက်လာကြောင်း ၎င်းက ပြောကြားခဲ့ပါသည်။ လက်ရှိတွင် တူကီယဲအနေဖြင့် Bayraktar Kizilelma အမည်ရှိ မောင်းသူမဲ့တိုက်လေယာဉ်နှင့် ဒရုန်း များထုတ်လုပ်လျက်ရှိပြီး ပြီးခဲ့သည့် ၂၀၂၂ ခုနှစ်၊ ဒီဇင်ဘာလတွင် ပထမအကြိမ် ပျံသန်းမှု လုပ်ဆောင်ခဲ့ကြောင်းနှင့် Bayraktar Kizilelma သည် ရေဒါဖြင့် ဖမ်းယူနိုင်ခြင်း မရှိစေရန် ဒီဇိုင်းပုံစံဖြင့်တည်ဆောက်ထားကြောင်း သိရှိရပါသည်။
No comments:
Post a Comment