ပိုလန်နိုင်ငံအနေဖြင့် ယူကရိန်းနိုင်ငံသို့ စစ်လက်နက်ပစ္စည်းထောက်ပံ့ပေးမှု များကို ကန့်သတ်ပိတ်ပင်သွားမည်မဟုတ်ကြောင်းနှင့် ယူကရိန်းနိုင်ငံသို့ စစ်လက်နက် ပစ္စည်းမျိုးစုံ ထောက်ပံ့ပေးအပ်သွားရန်အတွက်လည်း ဂျာမနီအစိုးရအား တိုက်တွန်း ထားကြောင်း ပိုလန်ဝန်ကြီးချုပ် မာတက်စ်ဇ်မိုရာဝီခ်ကီ (Mateusz Morawiecki) က ဇန်နဝါရီလ ၁၆ ရက်တွင် ပြောကြားခဲ့ပါသည်။ လက်ရှိတွင် ယူကရိန်းနိုင်ငံသားများသည် ၎င်းတို့နိုင်ငံ၏ လွတ်လပ်ခွင့်အတွက်သာမက ဥရောပဒေသကာကွယ်ရေးအတွက်ပါ တိုက်ပွဲဝင်နေရလျက်ရှိကြောင်း ၎င်းကပြောကြားခဲ့ပါသည်။ သို့ဖြစ်ရာ ပိုလန်နိုင်ငံအနေဖြင့် ဂျာမနီနိုင်ငံထုတ်ခေတ်မီ Leopard 2 အမျိုးအစား တင့်ကားများကို ယူကရိန်းနိုင်ငံသို့ ထောက်ပံ့ပေးရန် စီစဉ်လျက်ရှိသည်ဟုလည်း ပိုလန်သမ္မတ အန်ဒရတ်ဂျ်ဒူဒါ (Andrzej Duda) က ဇန်နဝါရီလ ၁၁ ရက်တွင် ပြောကြားခဲ့ကြောင်း သိရှိရပါသည်။
No comments:
Post a Comment