ဂျာမနီနိုင်ငံသည် ယူကရိန်း၌ ရုရှားတို့၏ အရှုံးနှင့်ရင်ဆိုင်ရမည့်အခြေအနေနှင့် ပတ်သက်၍ စိုးရိမ်နေခြင်းဖြစ်ကြောင်း ဘရပ်ဆဲလ် (Brussels) မြို့၌ ဇန်နဝါရီလ ၂၃ ရက်တွင် ပြုလုပ်ခဲ့သည့် ဥရောပသမဂ္ဂနိုင်ငံခြားရေးဝန်ကြီးများအစည်းအဝေး၌ လစ်သူရေးနီးယား နိုင်ငံခြားရေးဝန်ကြီး ဂါဘရီလီရက်စ်လန်စ်ဘာ့ဂျစ် (Gabrielius Landsbergis) က သွယ်ဝိုက်ကာ စွပ်စွဲပြောကြားခဲ့ပါသည်။ ၎င်းတို့ဆွေးနွေးသင့်သည့် အရေးအကြီးဆုံး ကိစ္စရပ်မှာ အကြောက်တရားပင်ဖြစ်သည်ဟု လစ်သူရေးနီးယားနိုင်ငံခြားရေးဝန်ကြီးက ပြောကြားခဲ့ခြင်းဖြစ်ပါသည်။ ရုရှားအပေါ် အရေးယူပိတ်ဆို့မှုများ ထပ်တိုးချမှတ်ခြင်းနှင့် ယူကရိန်းသို့ စစ်ရေးဆိုင်ရာအကူအညီများ ထပ်မံပေးအပ်ခြင်းတို့ဖြင့် ရုရှားအား အနိုင် ယူရာမှာ ကြောက်သည့်စိတ်ကို ကျော်လွှားရမည်ဖြစ်ကြောင်း ၎င်းက ဆက်လက်ပြောကြား ခဲ့သည်ဟု သိရှိရပါသည်။
No comments:
Post a Comment