တူကီယဲနှင့် ဘူလ်ဂေးရီးယားနိုင်ငံတို့သည် တစ်နှစ်လျှင် သဘာဝဓာတ်ငွေ့ ၁.၅ ဘီလီယံကုဗမီတာအထိ ပေးပို့နိုင်သည့် သဘောတူညီချက်တစ်ရပ်ကို လက်မှတ် ရေးထိုးခဲ့ခြင်း

တူကီယဲနှင့် ဘူလ်ဂေးရီးယားနိုင်ငံတို့သည် တစ်နှစ်လျှင် သဘာဝဓာတ်ငွေ့ ၁.၅ ဘီလီယံကုဗမီတာအထိ ပေးပို့နိုင်သည့် သဘောတူညီချက်တစ်ရပ်ကို လက်မှတ် ရေးထိုးခဲ့ကြောင်း TRT World သတင်းဌာနက ဇန်နဝါရီလ ၅ ရက်တွင် ဖော်ပြခဲ့ပါ သည်။ အဆိုပါသဘောတူညီချက်အသစ်သည် ၁၃ နှစ်တာကာလ အကျုံးဝင်မည်ဖြစ်ပြီး ဘူလ်ဂေးရီးယားနိုင်ငံအပါအဝင် ဥရောပ၏ သဘာဝဓာတ်ငွေ့ဖူလုံရေးအတွက် များစွာ အထောက်အကူဖြစ်စေမည်ဖြစ်ပါသည်။ အထက်ပါသဘောတူညီချက်ကို တူကီယဲရေနံ ပိုက်လိုင်းကော်ပိုရေးရှင်းနှင့် ဘူလ်ဂါဂက်ဇ် (Bulgargaz) ကုမ္ပဏီတို့မှ အထွေထွေမန်နေဂျာ များက လက်မှတ်ရေးထိုးခဲ့ခြင်းဖြစ်ကြောင်း သိရှိရပါသည်။