ကိုဆိုဗိုအနေဖြင့် အနောက်ဘောလ်ကန်ဒေသတွင် ငြိမ်းချမ်းရေးနှင့်လုံခြုံရေး ခိုင်မာအားကောင်းလာစေရန်အတွက် ကိုဆိုဗိုရှိ NATO တပ်ဖွဲ့ဝင်များ တည်ရှိမှုအရေ အတွက်အားတိုးမြှင့်ရန် မျှော်မှန်းထားကြောင်း ကိုဆိုဗိုဝန်ကြီးချုပ် အယ်လ်ဘင်ကာတီ (Albin Kurti) က ဇန်နဝါရီလ ၁ ရက်တွင် ပြောကြားခဲ့ပါသည်။ လက်ရှိတွင် ကိုဆိုဗို၏ ကာကွယ်ရေးအသုံးစရိတ်၊ တပ်ဖွဲ့ဝင်အရေအတွက်နှင့် အရန်တပ်ဖွဲ့ဝင်များ တိုးမြှင့်ရန် လုပ်ဆောင်လျက်ရှိကြောင်း ၎င်းက ဆက်လက်ပြောကြားခဲ့ပါသည်။ လက်ရှိအချိန်တွင် ကိုဆိုဗို၌ ဂျာမနီနိုင်ငံမှ တပ်ဖွဲ့ဝင် ၇၀ ဦးခန့်အပါအဝင် NATO ဦးဆောင်သည့် နိုင်ငံတကာ ငြိမ်းချမ်းရေးတပ်ဖွဲ့ဝင် ၃,၈၀၀ ဦးခန့် တပ်ဖြန့်ချထားကြောင်း သိရှိရပါသည်။
No comments:
Post a Comment