ပိုလန်နိုင်ငံအရှေ့တောင်ပိုင်းတွင် မေလ ၆ ရက်မှစတင်၍ ပိုလန်နှင့် NATO မဟာမိတ်များအကြားပြုလုပ်လျက်ရှိသော Anakonda-23 စစ်ရေးလေ့ကျင့်ခန်း၌ ပိုလန် တပ်ဖွဲ့ဝင် ၁၃,၀၀၀ ဦးခန့်ပါဝင်ဆောင်ရွက်လျက်ရှိကြောင်း Kyiv Independent သတင်း ဌာနက မေလ ၇ ရက်တွင် ဖော်ပြခဲ့ပါသည်။ အဆိုပါစစ်ရေးလေ့ကျင့်မှုအတွင်း အမေရိကန်၊ ရိုမေးနီးယား၊ ဆလိုဗေးနီးယား၊ ဆွီဒင်၊ ပြင်သစ်၊ လတ်ဗီးယား၊ လစ်သူရေးနီးယား၊ အက်စတိုးနီးယားနှင့် တူကီယဲနိုင်ငံတို့မှ တပ်ဖွဲ့များလည်း ပူးပေါင်းပါဝင်လျက်ရှိပြီး နော်ဝေနိုင်ငံ၏ NSM သင်္ဘောဖျက်ဒုံးကျည်များ အပါအဝင် M1A1 ပင်မတိုက်ပွဲဝင် တင့်များ၊ Krab နှင့် K9 ယာဉ်တင်ဟောင်ဝစ်ဇာများကို ထည့်သွင်းလေ့ကျင့်သွားမည်ဖြစ် ပါသည်။ ဘောလ်တစ်ဒေသကာကွယ်ရေးအတွက် သုံးနှစ်လျှင်တစ်ကြိမ် ပြုလုပ်လျက်ရှိ သည့် Anakonda-23 စစ်ရေးလေ့ကျင့်ခန်းကို မေလ ၂၆ ရက်အထိ ပြုလုပ်သွားမည်ဖြစ် ကြောင်း သိရှိရပါသည်။
No comments:
Post a Comment