ဥရောပသမဂ္ဂနယ်စပ်ဒေသနှင့်ကမ်းခြေစောင့်တပ်ဖွဲ့အေဂျင်စီမှ ကင်းလှည့်ပျံသန်းနေသည့် ပိုလန် လေယာဉ်ကို ရုရှားတိုက်လေယာဉ်က ကြားဖြတ် ဟန့်တားမှုပြုလုပ်ခဲ့ခြင်း

 ဥရောပသမဂ္ဂ၏ နယ်စပ်ဒေသနှင့်ကမ်းခြေစောင့်တပ်ဖွဲ့အေဂျင်စီ (European Border and Coast Guard Agency-Frontex) မှ ကင်းလှည့်ပျံသန်းနေသည့် ပိုလန် လေယာဉ်တစ်စီးကို ရုရှားတိုက်လေယာဉ်တစ်စီးက ပင်လယ်နက်ဝေဟင်တွင် ကြားဖြတ် ဟန့်တားမှုပြုလုပ်ခဲ့ကြောင်း Al Arabiya သတင်းဌာနက မေလ ၇ ရက်တွင် ဖော်ပြခဲ့ ပါသည်။ ပိုလန်နှင့် ရိုမေးနီးယားနယ်ခြားစောင့်ရဲတပ်ဖွဲ့တို့သည် Frontex ၏ ပုံမှန် ကင်းလှည့်ပျံသန်းမှုလုပ်ဆောင်နေစဉ် မေလ ၅ ရက်၌ ရိုမေးနီးယားနိုင်ငံအရှေ့ဘက် ကီလိုမီတာ ၆၀ ခန့်အကွာရှိ နိုင်ငံတကာလေပိုင်နက်အတွင်း ရုရှား၏ SU-35 တိုက်လေယာဉ်၏ ကြားဖြတ်ဟန့်တားမှုကို အကြိမ်ကြိမ်ခံခဲ့ရကြောင်း ရိုမေးနီးယား ကာကွယ်ရေးဝန်ကြီးဌာနက အတည်ပြုထုတ်ပြန်ခဲ့ပါသည်။ အဆိုပါဖြစ်စဉ်ကြောင့် NATO အဖွဲ့အနေဖြင့် ရိုမေးနီးယားနှင့် စပိန်လေတပ်တို့ကို တပ်လှန့်မှုများပြုလုပ်ခဲ့ရကြောင်း သိရှိရပါသည်။