တူကီယဲနိုင်ငံ၏ အမျိုးသားလုံခြုံရေးနှင့် နယ်မြေတည်တံ့ခိုင်မြဲမှုအပေါ် ခြိမ်းခြောက်လျက်ရှိသော PKK အကြမ်းဖက်အဖွဲ့အပါအဝင် YPG အဖွဲ့တို့အား အပြီးတိုင် သုတ်သင်ရှင်းလင်းမှုများ မပြုလုပ်ရသေးသည့်တိုင်အောင် ဆီးရီးယားနိုင်ငံအတွင်း တူကီယဲ စစ်ဘက်၏ တည်ရှိမှုနှင့်စစ်ဆင်တိုက်ခိုက်မှုများကို ဆက်လက်ထိန်းသိမ်းလုပ်ဆောင် သွားရမည်ဖြစ်ကြောင်း တူကီယဲနိုင်ငံအခြေစိုက် နိုင်ငံရေး၊ စီးပွားရေး၊ လူမှုရေးဆိုင်ရာ သုတေသနဖောင်ဒေးရှင်းက ရေးသားဖော်ပြထားကြောင်း Yenisafak သတင်းဌာနက မေလ ၂၀ ရက်တွင် ဖော်ပြခဲ့ပါသည်။ ထို့ပြင် ၎င်းဖောင်းဒေးရှင်းက ဆီးရီးယားနိုင်ငံအတွင်း အကြမ်းဖက်အုပ်စုများ၏ အမြစ်တွယ်ကြီးထွားလာမှုများ၊ ၂၀၁၁ ခုနှစ် လူထုဆူပူအုံကြွမှု၊ အကြမ်းဖက်အုပ်စုများအပေါ် တူကီယဲစစ်ဘက်၏ ထိုးစစ်ဆင်တိုက်ခိုက်မှုများ၊ အကြမ်းဖက် အဖွဲ့များမှ ဆီးရီးယားနိုင်ငံ၏နယ်မြေဧရိယာစတုရန်း ကီလိုမီတာ ၅၀,၀၀၀ ခန့်အထိ ထိန်းချုပ်ထားနိုင်မှုနှင့်ပတ်သက်သည့်ကိစ္စရပ်များအား ရေးသားဖော်ပြခဲ့ကြောင်း သိရှိရပါ သည်။
No comments:
Post a Comment