ဂရိကာကွယ်ရေးဝန်ကြီး နီကိုးစ်ဒန်ဒီရက်စ် (Nikos Dendias) သည် အာရပ် စော်ဘွားများပြည်ထောင်စု (UAE) နိုင်ငံသို့ စက်တင်ဘာလ ၆ ရက်မှ ၇ ရက်အထိ ၂ ရက်ကြာ ချစ်ကြည်ရေးခရီးသွားရောက်မည်ဖြစ်ပါသည်။ အဆိုပါခရီးစဉ်အတွင်း ဒန်ဒီရက်စ်သည် UAE ကာကွယ်ရေးဝန်ကြီး မိုဟာမက်အာမတ်အယ်ဘာဝါဒီ (Mohammed Ahmed Al Bawardi) နှင့်တွေ့ဆုံ၍ နှစ်နိုင်ငံအကြား မဟာဗျူဟာမြောက်ကာကွယ်ရေးကဏ္ဍ ပူးပေါင်း ဆောင်ရွက်မှုများကို ခိုင်မာအားကောင်အောင် လုပ်ဆောင်ရေးနှင့်ပတ်သက်၍ ဆွေးနွေး သွားမည်ဖြစ်ပါသည်။ ထို့ပြင် အရှေ့မြေထဲပင်လယ်နှင့် ပင်လယ်ကွေ့ဒေသလုံခြုံရေး အခြေအနေများအပြင် ကာကွယ်ရေးစက်မှုလုပ်ငန်းနှင့် နည်းပညာကဏ္ဍ၌ အပြန်အလှန် ပူးပေါင်းဆောင်ရွက်မှုများ မြှင့်တင်ရေးတို့ကိုလည်း ဆွေးနွေးသွားမည်ဖြစ်ကြောင်း သိရှိရ ပါသည်။
No comments:
Post a Comment