၂၀၂၀ ပြည့်နှစ်အတွင်း ဂရိစီးပွားရေးကျဆင်းသွားနိုင်ကြောင်း ဗဟိုဘဏ်က ခန့်မှန်းခဲ့ခြင်း

Xinhua; Jun-30(Tue)

              ဂရိနိုင်ငံ၏ စီးပွားရေးသည် ၂၀၂၀ ပြည့်နှစ်အတွင်း ၅.၈ ရာခိုင်နှုန်းအထိ ကျဆင်းသွားနိုင်ကြောင်း ဂရိဗဟိုဘဏ်က ခန့်မှန်းထားပါသည်။ သို့သော်လည်း ကိုရိုနာ ဗိုင်းရပ်စ်ဖြစ်ပွားမှု၏ အကျိုးဆက်များကြောင့် ဂရိနိုင်ငံ၏စီးပွားရေးကျဆင်းမှုမှာ ၉.၄ ရာခိုင်နှုန်းအထိ ရောက်ရှိသွားနိုင်ကြောင်း ဂရိဗဟိုဘဏ်က ဇွန်လ ၂၉ ရက်တွင် ပြောကြား ခဲ့ပါသည်။ ဂရိနိုင်ငံ၏စီးပွားရေးသည် နွေရာသီကာလ သွားလာကန့်သတ်မှုပိတ်ပင်ခြင်း ပြီးဆုံးပြီးနောက် ပုံမှန်အခြေအနေသို့ ရောက်ရှိခဲ့မည်ဆိုပါက ဂရိနိုင်ငံ၏ စီးပွားရေးမှာ ၂၀၂၁ ခုနှစ်တွင် ၅.၈ ရာခိုင်နှုန်းအထိလည်းကောင်း၊ ၂၀၂၂ ခုနှစ်တွင် ၃.၈ ရာခိုင်နှုန်းအထိ လည်းကောင်း တိုးတက်နိုင်ကြောင်း ဂရိဗဟိုဘဏ်က ခန့်မှန်းပြောကြားခဲ့ပါသည်။

              ဂရိနိုင်ငံ၏စီးပွားရေးမှာ ၂၀၂၀ ပြည့်နှစ်တွင် ဂျီဒီပီ၏ ၉.၄ ရာခိုင်နှုန်းအထိ ကျဆင်းမည်ဖြစ်သော်လည်း ၂၀၂၁ ခုနှစ်တွင်မူ ၅.၇ ရာခိုင်နှုန်းနှင့် ၂၀၂၂ ခုနှစ်တွင် ၄.၅ ရာခိုင်နှုန်းအထိ ပြန်လည်ကောင်းမွန်လာနိုင်ကြောင်း ဗဟိုဘဏ်က ခန့်မှန်းထားပါသည်။ ထို့ပြင် ၂၀၂၀ ပြည့်နှစ်အတွင်း ပုဂ္ဂလိကစားသုံးမှု၊ ကုန်ပစ္စည်းတင်ပို့မှု၊ ခရီးသွားလုပ်ငန်း ကဏ္ဍတို့တွင် စီးပွားရေးကျဆင်းခဲ့ရပြီး ၂၀၂၁ နှင့် ၂၀၂၂ ခုနှစ်တို့တွင်မူ ပြန်လည် ကောင်းမွန်လာနိုင်မည်ဖြစ်ကြောင်း ဗဟိုဘဏ်က ခန့်မှန်းထားပါသည်။ ၂၀၂၀ ပြည့်နှစ် အတွင်း ဂရိနိုင်ငံ၏ ဘဏ္ဍာရေးလိုငွေပြမှုသည် ဂျီဒီပီ၏ ၂.၉ ရာခိုင်နှုန်းနှင့်ညီမျှကြောင်း သိရှိရပါသည်။

အီရန်၊ ရုရှားနှင့် တူရကီတို့သည် ဆီးရီးယားအရေးနှင့်ပတ်သက်၍ ရုပ်/သံအစီအစဉ်မှတစ်ဆင့် ဆွေးနွေးမှုပြုလုပ်ခဲ့ခြင်း

Presstv; Jun 30 (Tue)

              အီရန်သမ္မတ ဟာဆန်ရိုဟာနီ (Hassan Rouhani) သည် ရုရှားသမ္မတ ဗလာဒီမာပူတင် (Vladimir Putin) ၊  တူရကီသမ္မတ ရီဆက်တေးရစ်အာဒိုဂန် (Recep Tayyip Erdogan)တို့နှင့်  ဆီးရီးယား၊ အာရပ်ငြိမ်းချမ်းရေးလုပ်ငန်းစဉ်အခြေအနေများ နှင့်ပတ်သက်၍  ဇူလိုင်လ ၁ ရက်တွင် ရုပ်/သံအစီအစဉ်မှတစ်ဆင့် အထူးအစည်းအဝေး တစ်ရပ် ပြုလုပ်သွားမည်ဖြစ်ကြောင်း အီရန်သမ္မတရုံး၏  ဆက်သွယ်ရေး၊ သတင်း အချက်အလက်နည်းပညာဌာနမှ လက်ထောက်အကြီးအကဲ အလီရီဇာမိုဇီ (Alireza Moezi)က ၎င်း၏တွစ်တာစာမျက်နှာပေါ်တွင် ရေးသားဖော်ပြခဲ့ပါသည်။ အစည်းအဝေး အတွင်း ခေါင်းဆောင်များသည် ဆီးရီးယားအရေးနှင့် ဆက်နွှယ်လျက်ရှိသည့် ဒေသတွင်း၊ နိုင်ငံတကာဖွံ့ဖြိုးတိုးတက်မှုဆိုင်ရာ ကိစ္စရပ်များနှင့်ပတ်သက်၍ ဆွေးနွေးသွားမည်ဖြစ် ကြောင်း ၎င်းက ဆက်လက်ပြောကြားခဲ့ပါသည်။

              သမ္မတ ၃ ဦးတို့သည် ဆီးရီးယားအရေးနှင့်ပတ်သက်၍ သီးခြားတွေ့ဆုံမှု မပြုလုပ်ခင်အချိန်အတွင်း ရုပ်သံအစီအစဉ်မှတစ်ဆင့် ကြေညာချက် ၃ ရပ်ကို တရားဝင် ထုတ်ပြန်ကြေညာသွားမည်ဖြစ်ကြောင်း ရုရှားအစိုးရ၏ ပြောရေးဆိုခွင့်ရှိသူ ဒီမစ်ထရီ ပက်စ်ကော့ဗ် (Dmitry Peskov)က ပြောကြားခဲ့ပါသည်။ ယခုကျင်းပမည့်ဆွေးနွေးမှုသည် ဆီးရီးယားနိုင်ငံအတွင်း ပဋိပက္ခများဖြစ်ပေါ်လာသည့်အတွက်ကြောင့် ၂၀၂၀ ပြည့်နှစ် အတွင်း ပထမဆုံးအကြိမ် ပြန်လည်လုပ်ဆောင်ခဲ့ခြင်းဖြစ်ပါသည်။ အီရန်နိုင်ငံခြားရေး ဝန်ကြီး မိုဟာမက်ဂျာဗက်ဇာရစ် (Mohammad Javad Zarif) သည် အက်စတာနာ ငြိမ်းချမ်းရေးလုပ်ငန်းစဉ်မူဘောင်အတိုင်း ဆီးရီးယားနိုင်ငံအတွင်း ငြိမ်းချမ်းမှုရှိရန်အတွက် သမ္မတအဆင့် အစည်းအဝေးတစ်ရပ် ကျင်းပပြုလုပ်သွားမည်ဟု ဇွန်လ ၁၅ ရက်တွင် ကြေညာခဲ့ကြောင်း သိရှိရပါသည်။

သုံးသပ်ချက်

              ၂၀၁၁ ခုနှစ်မှစတင်ဖြစ်ပွားခဲ့သော ဆီးရီးယားပြည်တွင်းစစ်တွင်  အီရန်နှင့် ရုရှား တို့က ဆီးရီးယားသမ္မတ အာဆတ်ကို အခိုင်အမာထောက်ခံပေးထားပြီး တူရကီကမူ သမ္မတ အာဆတ်နုတ်ထွက်ရေးကိုတောင်းဆိုကာ ဆီးရီးယားအစိုးရကို ဆန့်ကျင်နေသော တိုက်ခိုက်ရေးအဖွဲ့များအား ကျောထောက်နောက်ခံပြုထားပါသည်။ စစ်ရေးအောင်မြင်မှု များကြောင့် အာဆတ်၏ သမ္မတရာထူးမှာ ပို၍လုံခြုံစိတ်ချရသည့် အနေအထားတွင် တူရကီ၏ ဦးစားပေးကိစ္စရပ်သည် ဆီးရီးယားအနောက်မြောက်ပိုင်း အိုင်ဒလစ်ဒေသမှ ထွက်ပြေးလာသောဒုက္ခသည်များ တူရကီထဲသို့ အစုလိုက်အပြုံလိုက် ဝင်ရောက်လာမည့် အရေးကို တာဆီးခြင်းဘက်သို့ လမ်းလွှဲလိုက်ခြင်းဖြစ်ပါသည်။ အီရန်၊ ရုရှားနှင့် တူရကီ တို့သည် ၂၀၁၇ ခုနှစ်ကတည်းက ဆီးရီးယားပဋိပက္ခနှင့်ပတ်သက်၍ ထိပ်သီးဆွေးနွေးပွဲများ ကျင်းပပြုလုပ်ခဲ့ခြင်းဖြစ်ပါသည်။ လက်ရှိတွင်လည်း ရုရှား၊ အီရန်နှင့် တူရကီသမ္မတ တို့သည် ဆီးရီးယားအရေးနှင့်ပတ်သက်သည့် ပူးပေါင်းညှိနှိုင်းမှုများအား ဆက်လက် လုပ်ဆောင်သွားရန်အတွက် ဇူလိုင်လ ၁ ရက်တွင် ရုပ်/သံအစီအစဉ်မှတစ်ဆင့် ဆွေးနွေးမှု ပြုလုပ်ခဲ့ပါသည်။ ၎င်းတို့အကြား ဆွေးနွေးမှုများသည် ဆီးရီးယားအစိုးရနှင့် သူပုန်အဖွဲ့ တို့အကြား ဖြစ်ပွားလျက်ရှိသော သဘောထားကွဲလွဲမှုများအပေါ် တစ်ဆင့်ချင်းဖြေရှင်း သွားနိုင်မည်ဖြစ်သည့်အပြင် သံတမန်ရေးနှင့် စစ်ရေးညှိနှိုင်းမှုများသည်  ရေရှည်တည်တံ့ စေမည့် အပစ်အခတ်ရပ်စဲရေးကိုဖြစ်ပေါ်စေနိုင်ကြောင်း သုံးသပ်တင်ပြအပ်ပါသည်။

တူရကီသည် ရုရှားနိုင်ငံထုတ် S-400 လေကြောင်းရန်ကာကွယ်ရေးစနစ်များကို ရုရှား၏ ခွင့်ပြုချက်မရရှိဘဲ အခြားနိုင်ငံများသို့ လွှဲပြောင်းခြင်းနှင့် ရောင်းချခွင့် မရှိကြောင်း ပြောကြားခဲ့ခြင်း

Presstv; Jun 30 (Tue)

              အီရန်သမ္မတ ဟာဆန်ရိုဟာနီ (Hassan Rouhani) သည် ရုရှားသမ္မတ ဗလာဒီမာပူတင် (Vladimir Putin) ၊  တူရကီသမ္မတ ရီဆက်တေးရစ်အာဒိုဂန် (Recep Tayyip Erdogan)တို့နှင့်  ဆီးရီးယား၊ အာရပ်ငြိမ်းချမ်းရေးလုပ်ငန်းစဉ်အခြေအနေများ နှင့်ပတ်သက်၍  ဇူလိုင်လ ၁ ရက်တွင် ရုပ်/သံအစီအစဉ်မှတစ်ဆင့် အထူးအစည်းအဝေး တစ်ရပ် ပြုလုပ်သွားမည်ဖြစ်ကြောင်း အီရန်သမ္မတရုံး၏  ဆက်သွယ်ရေး၊ သတင်း အချက်အလက်နည်းပညာဌာနမှ လက်ထောက်အကြီးအကဲ အလီရီဇာမိုဇီ (Alireza Moezi)က ၎င်း၏တွစ်တာစာမျက်နှာပေါ်တွင် ရေးသားဖော်ပြခဲ့ပါသည်။ အစည်းအဝေး အတွင်း ခေါင်းဆောင်များသည် ဆီးရီးယားအရေးနှင့် ဆက်နွှယ်လျက်ရှိသည့် ဒေသတွင်း၊ နိုင်ငံတကာဖွံ့ဖြိုးတိုးတက်မှုဆိုင်ရာ ကိစ္စရပ်များနှင့်ပတ်သက်၍ ဆွေးနွေးသွားမည်ဖြစ် ကြောင်း ၎င်းက ဆက်လက်ပြောကြားခဲ့ပါသည်။

              သမ္မတ ၃ ဦးတို့သည် ဆီးရီးယားအရေးနှင့်ပတ်သက်၍ သီးခြားတွေ့ဆုံမှု မပြုလုပ်ခင်အချိန်အတွင်း ရုပ်သံအစီအစဉ်မှတစ်ဆင့် ကြေညာချက် ၃ ရပ်ကို တရားဝင် ထုတ်ပြန်ကြေညာသွားမည်ဖြစ်ကြောင်း ရုရှားအစိုးရ၏ ပြောရေးဆိုခွင့်ရှိသူ ဒီမစ်ထရီ ပက်စ်ကော့ဗ် (Dmitry Peskov)က ပြောကြားခဲ့ပါသည်။ ယခုကျင်းပမည့်ဆွေးနွေးမှုသည် ဆီးရီးယားနိုင်ငံအတွင်း ပဋိပက္ခများဖြစ်ပေါ်လာသည့်အတွက်ကြောင့် ၂၀၂၀ ပြည့်နှစ် အတွင်း ပထမဆုံးအကြိမ် ပြန်လည်လုပ်ဆောင်ခဲ့ခြင်းဖြစ်ပါသည်။ အီရန်နိုင်ငံခြားရေး ဝန်ကြီး မိုဟာမက်ဂျာဗက်ဇာရစ် (Mohammad Javad Zarif) သည် အက်စတာနာ ငြိမ်းချမ်းရေးလုပ်ငန်းစဉ်မူဘောင်အတိုင်း ဆီးရီးယားနိုင်ငံအတွင်း ငြိမ်းချမ်းမှုရှိရန်အတွက် သမ္မတအဆင့် အစည်းအဝေးတစ်ရပ် ကျင်းပပြုလုပ်သွားမည်ဟု ဇွန်လ ၁၅ ရက်တွင် ကြေညာခဲ့ကြောင်း သိရှိရပါသည်။

ရိုမေးနီးယားနိုင်ငံ၏ နို့ထွက်ပစ္စည်း၊ ကြက်ဉနှင့် ပျားရည်တို့၏ သွင်းကုန်တန်ဖိုး ၂၅ ရာခိုင်နှုန်းအထိ မြင့်တက်ခဲ့ခြင်း

Stiripesurse; Jul-6(Mon)

              ရိုမေးနီးယားနိုင်ငံ၏ နို့နှင့်နို့ထွက်ပစ္စည်းများ၊ ကြက်ဉနှင့် ပျားရည်တို့၏ သွင်းကုန်တန်ဖိုးစုစုပေါင်းမှာ ၂၀၂၀ ပြည့်နှစ်၊ ပထမသုံးလပတ်ကာလအတွင်း ယူရို ၁၇၄.၉၈ သန်းအထိရှိခဲ့ပြီး ၂၀၁၉ ခုနှစ်၏ ပထမသုံးလပတ်နှင့် နှိုင်းယှဉ်လျှင် ၂၅ ရာခိုင်နှုန်း၊ ယူရို ၁၄၀.၁ သန်းအထိတိုးတက်ခဲ့ကြောင်း စိုက်ပျိုးရေးနှင့် ကျေးလက်ဒေသ ဖွံ့ဖြိုးတိုးတက်ရေးဝန်ကြီးဌာနက ထုတ်ပြန်ခဲ့ပါသည်။ ရိုမေးနီးယားနိုင်ငံသည် ၂၀၂၀ ပြည့်နှစ်၏ ပထမသုံးလပတ်ကာလတွင် တန်ချိန် ၁၁၉,၆၀၅ တန်တင်သွင်းခဲ့ပြီး ၂၀၁၉ ခုနှစ်ထက် တန်ချိန် ၁၆,၄၅၅ တန်ပို၍ တင်သွင်းခဲ့ပါသည်။ ထို့ပြင် နိုင်ငံ၏ နို့နှင့် နို့ထွက် ပစ္စည်းများ၊ ကြက်ဥနှင့်ပျားရည်တို့၏ ပို့ကုန်တန်ဖိုးမှာလည်း ၂၀၂၀ ပြည့်နှစ်၏ ဇန်နဝါရီလမှ မတ်လအထိ တန်ချိန် ၃၃,၁၇၅ တန် တင်ပို့ခဲ့ပြီး စုစုပေါင်းဝင်ငွေ ယူရို ၅၅.၃၃ သန်း အထိရရှိခဲ့ကာ ၂၀၁၉ ၏ အလားတူကာလတွင်လည်း ယူရို ၅၀.၈၂ သန်းတန်ဖိုးရှိ တန်ချိန် ၃၅,၂၆၃ တန်အား ပြည်ပသို့တင်ပို့ခဲ့ပါသည်။

              ရိုမေးနီးယားနိုင်ငံ၏ ကုန်သွယ်ရေးလိုငွေပြမှုမှာ ၂၀၁၉ ခုနှစ်၏ ပထမ သုံးလပတ်ကာလတွင် ယူရို ၈၉.၂၈ သန်းရှိခဲ့ရာမှ ၂၀၂၀ ပြည့်နှစ်တွင် ၁၂၁.၆၅ သန်း အထိမြင့်တက်လာခဲ့ပါသည်။ ၂၀၂၀ ပြည့်နှစ်၊ ဇန်နဝါရီလမှမတ်လအတွင်း အပြည်ပြည် ဆိုင်ရာ စားနပ်ရိက္ခာကုန်သွယ်ရေးလိုငွေပြမှုမှာ ၂၀၁၉ ခုနှစ်၏ ပထမသုံးလပတ်နှင့် နှိုင်းယှဉ်လျှင်  ၉ ရာခိုင်နှုန်း နီးပါးကျဆင်းခဲ့ပြီး ယူရို ၄၄၀.၉ သန်း အထိရှိခဲ့ပါသည်။ ၂၀၂၀ ပြည့်နှစ်၏ ပထမသုံးလပတ်ကာလတွင် ဥရောပသမဂ္ဂနှင့် ရိုမေးနီးယားနိုင်ငံ၏ စားနပ် ရိက္ခာကုန်သွယ်ရေးလိုငွေပြမှုမှာ ယူရို ၉၅၃.၂၈ သန်းအထိရှိခဲ့သော်လည်း နိုင်ငံ၏ ဉရောပသမဂ္ဂ စားနပ်ရိက္ခာကုန်သွယ်မှု အပိုတန်ဖိုးမှာ ယူရို ၅၁၂.၃၇ သန်းအထိ စံချိန်တင်ပိုလျှံခဲ့ကြောင်း သိရှိရပါသည်။

NewsBar

          ဆိုက်ပရက်သမ္မတ နီကိုအန်နာစတာဆီဒီ (Nicos Anastasiades) သည် အစိုးရအဖွဲ့ဝင်ဝန်ကြီးအသစ် ၄ ဦးအား အစားထိုးခန့်အပ်ခဲ့ပြီး အစိုးရအဖွဲ့အား   ဇွန်လ ၂၄ ရက်တွင် ပြန်လည်ဖွဲ့စည်းခဲ့ပါသည်။ သမ္မတ အန်နာစတာဆီဒီသည် ဇွန်လ ၂၃ ရက်၌ တရားရေးရာဝန်ကြီး ဂျော့ဆာဗေးဒစ် (George Savvides) ၏နေရာတွင်  အမ်မလီ ယိုလီတီစ် (Emily Yiolitis) အားလည်းကောင်း၊ ကာကွယ်ရေးဝန်ကြီး ဆာဗက် အိန်ဂျယ်လဝီ (Savvas Angelides) ၏နေရာတွင် ချာရာလမ်ဘော့စ်ပက်ထရီဒီ (Charalambos Petrides) အားလည်းကောင်း၊ စွမ်းအင်၊ ကုန်သွယ်ရေး၊ စက်မှုလုပ်ငန်းနှင့်ခရီးသွားရေးရာ ဝန်ကြီး ရော်ကိုလက်ကိုထရိုင်ပစ်စ် (Yiorgos Lakkotrypis) ၏နေရာတွင် ရေလုပ်ငန်း ဆိုင်ရာတွဲဖက်ဝန်ကြီး နာတာဆာဖလီဒီ (Natasa Pilides) အားလည်းကောင်းခန့်အပ် ခဲ့ပြီး လစ်လပ်သွားသော ရေလုပ်ငန်းဆိုင်ရာတွဲဖက်ဝန်ကြီးနေရာတွင် ဥရောပကော်မရှင် ညွှန်ကြားမှုဦးစီးဌာန၏ ပင်လယ်ရေကြောင်းဆိုင်ရာမူဝါဒ အမျိုးသားကျွမ်းကျင်ပညာရှင် ဗက်ဆီလီဒီမီထရာဒီ (Vassilis Demetriades) အား ခန့်အပ်ခဲ့ကြောင်း သိရှိရပါသည်။

ရုရှားနိုင်ငံသည် S-400 လေကြောင်းရန်ကာကွယ်ရေးစနစ်နှင့်စပ်လျဉ်း၍ တူရကီနှင့် သဘောတူညီချက်အသစ် လက်မှတ်ရေးထိုးရန် အသင့်ရှိနေခြင်း

TASS; Jun-24 (Wed)

              ရုရှားနိုင်ငံသည် S-400 လေကြောင်းရန်ကာကွယ်ရေးဒုံးကျည်စနစ်အား တူရကီ နိုင်ငံသို့ ပေးပို့သွားရေးနှင့်စပ်လျဉ်းသည့် သဘောတူစာချုပ်တစ်ရပ်တွင် လက်မှတ်ရေးထိုးရန် အသင့်ရှိနေကြောင်း ရုရှားဒုတိယဝန်ကြီးချူပ် ယူရီဘိုရီဆော့ဗ် (Yuri Borisov) က ဇွန်လ ၂၄ ရက်တွင် ထုတ်ဖော်ပြောကြားခဲ့ပါသည်။ တူရကီအနေဖြင့် အဆိုပါ လေကြောင်းရန် ကာကွယ်ရေးစနစ်အား ဝယ်ယူရန်ဆန္ဒရှိပါက သဘောတူစာချုပ်တွင် လက်မှတ်ရေးထိုး သွားမည်ဖြစ်ကြောင်း ၎င်းက ထပ်လောင်းပြောကြားခဲ့ပါသည်။ ရုရှားနှင့် တူရကီတို့သည် အဆိုပါလေကြောင်းရန်ကာကွယ်ရေးစနစ်ပေးပို့ရေးနှင့်စပ်လျဉ်း၍ အမေရိကန်ဒေါ်လာ ၂.၅ ဘီလီယံတန်ဖိုးရှိ သဘောတူစာချုပ်တစ်ရပ်ကို ပြီးခဲ့သည့် ၂၀၁၇ ခုနှစ်၊ စက်တင်ဘာလက လက်မှတ်ရေးထိုးခဲ့ခြင်းဖြစ်ပါသည်။ သဘောတူစာချုပ်အရ တူရကီအနေဖြင့် တပ်ရင်းကြီး  ၁ ရင်းအတွက် လက်နက်တပ်ဆင်ပေးနိုင်သည့် S-400 လေကြောင်းရန်ကာကွယ်ရေး ဒုံးကျည်စနစ်များအား ရုရှားထံမှ လက်ခံရရှိခဲ့ပြီးဖြစ်ပါသည်။

          ရုရှားအနေဖြင့် တူရကီနိုင်ငံသို့ ၎င်းတို့၏ S-400 လေကြောင်းရန်ကာကွယ်ရေး ဒုံးကျည်စနစ်အား ၂၀၁၉ ခုနှစ်၊ ဇူလိုင်လ ၁၂ ရက်တွင် စတင်ပေးပို့ခဲ့ခြင်းဖြစ်ပြီး တူရကီနိုင်ငံသည်လည်း ရုရှားထံမှ လေကြောင်းရန်ကာကွယ်ရေးစနစ်ဝယ်ယူသည့် ပထမဆုံး နေတိုးအဖွဲ့ဝင်နိုင်ငံတစ်နိုင်ငံဖြစ်လာခဲ့ပါသည်။ ထိုကဲ့သို့ ရုရှားထံမှတူရကီ၏ လက်နက် ဝယ်ယူမှုအပေါ် အမေရိကန်နှင့် နေတိုးအဖွဲ့က ဆန့်ကျင်ကန့်ကွက်သည့် ဖိအားပေးမှုများ လုပ်ဆောင်ခဲ့ကြသော်လည်း တူရကီအနေဖြင့် ဝယ်ယူမည့်အစီအစဉ်ကို စွန့်လွှတ်မည် မဟုတ်ကြောင်း ထုတ်ဖော်ပြောကြားခဲ့ပါသည်။ ရုရှားနိုင်ငံသည် အဆိုပါ S-400 လေကြောင်းရန်ကာကွယ်ရေးဒုံးကျည်စနစ်များအား ၂၀၀၇ ခုနှစ်တွင် စတင်အသုံးပြုခဲ့ ခြင်းဖြစ်ပြီး တာလတ်ပစ်လက်နက်စနစ်များနှင့်မြေပြင်တွင်တပ်ဆင်အသုံးပြုထားသည့် လက်နက်စနစ်များအပါအဝင် လေယာဉ်များနှင့် ပဲ့ထိန်းဒုံးကျည်များအား ပစ်ခတ်ဖျက်ဆီးနိုင်ရန် ရည်ရွယ်၍ ထုတ်လုပ်ထားခြင်းဖြစ်ပါသည်။ ထို့ပြင် ရုရှားနိုင်ငံထုတ် S-400 လေကြောင်းရန် ကာကွယ်ရေးဒုံးကျည်စနစ်သည် အကွာအဝေး  ၄၀၀ ကီလိုမီတာနှင့် အမြင့် ၃၀ ကီလိုမီတာရှိ ပစ်မှတ်များအား တိကျစွာပစ်ခတ်ဖျက်စီးနိုင်ကြောင်း သိရှိရပါသည်။

News Bar

          တူရကီနိုင်ငံသည် ပြင်သစ်အစိုးရအတွက် သူလျှိုလုပ်ကိုင်ဆောင်ရွက်နေသူ ၄ ဦး အား ဖမ်းဆီးထိန်းသိမ်းခဲ့ကြောင်း ဇွန်လ ၂၂ ရက်တွင် Trend သတင်းဌာနမှ တစ်ဆင့် ထုတ်ပြန်ပြောကြားခဲ့ပါသည်။ အဆိုပါသံသယရှိသူ ၄ ဦးသည် တူရကီအစိုးရရုံးဌာနများ၊ ကွန်ဆာဗေးတစ်ဖောင်ဒေးရှင်းတို့အပါအဝင် တူရကီနိုင်ငံ၏ ဘာသာရေးအဖွဲ့အစည်း များ၏ လုပ်ဆောင်ချက်များကို သတင်းရယူစုဆောင်းနေခဲ့ခြင်းဖြစ်ပါသည်။ ထို့ပြင် ၎င်းတို့သည် တူရကီအမျိုးသားထောက်လှမ်းရေးအဖွဲ့အစည်း (National Intelligence Organization- MIT) မှ အေးဂျင့်များ၏ စိစစ်ရေးကတ်အတုများကိုအသုံးပြု၍ IS စစ်သွေးကြွ အဖွဲ့အပါအဝင် အခြားအကြမ်းဖက်အဖွဲ့အစည်းများနှင့်ဆက်နွှယ်သော သတင်းများကို ရယူစုဆောင်းနေကြသူများလည်းဖြစ်ကြောင်း သိရှိရပါသည်။ 

News Bar

          တူရကီနိုင်ငံသည် ပြင်သစ်အစိုးရအတွက် သူလျှိုလုပ်ကိုင်ဆောင်ရွက်နေသူ ၄ ဦး အား ဖမ်းဆီးထိန်းသိမ်းခဲ့ကြောင်း ဇွန်လ ၂၂ ရက်တွင် Trend သတင်းဌာနမှ တစ်ဆင့် ထုတ်ပြန်ပြောကြားခဲ့ပါသည်။ အဆိုပါသံသယရှိသူ ၄ ဦးသည် တူရကီအစိုးရရုံးဌာနများ၊ ကွန်ဆာဗေးတစ်ဖောင်ဒေးရှင်းတို့အပါအဝင် တူရကီနိုင်ငံ၏ ဘာသာရေးအဖွဲ့အစည်း များ၏ လုပ်ဆောင်ချက်များကို သတင်းရယူစုဆောင်းနေခဲ့ခြင်းဖြစ်ပါသည်။ ထို့ပြင် ၎င်းတို့သည် တူရကီအမျိုးသားထောက်လှမ်းရေးအဖွဲ့အစည်း (National Intelligence Organization- MIT) မှ အေးဂျင့်များ၏ စိစစ်ရေးကတ်အတုများကိုအသုံးပြု၍ IS စစ်သွေးကြွ အဖွဲ့အပါအဝင် အခြားအကြမ်းဖက်အဖွဲ့အစည်းများနှင့်ဆက်နွှယ်သော သတင်းများကို ရယူစုဆောင်းနေကြသူများလည်းဖြစ်ကြောင်း သိရှိရပါသည်။ 

ပိုလန်နှင့် မဟာမိတ်နိုင်ငံများသည် ဆူဝယ်လ်ကီနယ်မြေအနီးတွင် စစ်ရေးလေ့ကျင့်ခန်းများပြုလုပ်ခဲ့ခြင်း

Polandin; Jun-22 (Mon)

              ပိုလန်ကာကွယ်ရေးဝန်ကြီး မာရီဆက်ဘလက်ဇက် (Mariysz Blaszczak) သည် ပေါ့လက်စီ (Podlasie) စီရင်ရှိ မဟာဗျူဟာမြောက်အရေးပါသည့် Suwalki Gap ဟု အမည်ပေးထားသည့် နယ်စပ်စင်္ကြံအနီး၌ပြုလုပ်ခဲ့သည့် Bull-Run 12 အမည်ရှိ စစ်ရေး လေ့ကျင့်ခန်းသို့ တက်ရောက်ခဲ့ပါသည်။ Suwalki Gap ဟုအမည်ပေးထားသည့် နယ်စပ်မျဉ်းသည် ရုရှားနိုင်ငံပိုင် ကာလီနင်ဂရက်ဒေသ၊ ဘီလာရုဇ်နိုင်ငံ၊ ပိုလန်နှင့် လစ်သူရေးနီးယားနှစ်နိုင်ငံအကြားရှိ ကုန်းမြေအကျယ်အဝန်း ၆၅ ကီလိုမီတာခန့် ကျယ်ဝန်းသည့် လမ်းကြောင်းတစ်ခုဖြစ်ပါသည်။ အဆိုပါ Bull-Run 12 အမည်ရှိ စစ်ရေးလေ့ကျင့်ခန်းသည် ပိုလန်နိုင်ငံ၏လုံခြုံရေးတစ်ခုတည်းသာမက နေတိုးအရှေ့ပိုင်း စစ်နယ်ဝန်းတစ်ခုလုံး၏ လုံခြုံရေးအတွက်လည်း အလွန်အရေးကြီးပြီး တပ်ဖွဲ့ဝင်များ၏ လှုပ်ရှားစစ်ကစားနိုင်စွမ်းကိုလည်း တိုးမြှင့်ပေးခြင်းဖြစ်ကြောင်း မာရီဆက်ဘလက်ဇက်က တပ်ဖွဲ့ဝင်များအား ပြောကြားခဲ့ပါသည်။

              ထို့ပြင် ရုရှားနိုင်ငံအနေဖြင့် အဆိုပါ Suwalki Gap လမ်းကြောင်းမှတစ်ဆင့် ဘောလ်တစ်နိုင်ငံများအားဖြတ်၍ ပိုလန်နိုင်ငံနှင့်အခြားသော နေတိုးအဖွဲ့ဝင်နိုင်ငံများသို့ ရောက်ရှိနိုင်သည့် လမ်းကြောင်းတစ်ခုလည်းဖြစ်ပါသည်။ အဆိုပါ Bull-Run 12 အမည်ရှိ စစ်ရေးလေ့ကျင့်ခန်းတွင် ပိုလန်နိုင်ငံနှင့်အတူ အမေရိကန်၊ ဗြိတိန်၊ ရိုမေးနီးယားနှင့် ခရိုအေးရှားနိုင်ငံတို့မှ တပ်ဖွဲ့ဝင်များသည် မြစ်ကူးစစ်ဆင်ရေး လေ့ကျင့်ခန်းများအပါအဝင် လှုပ်ရှားစစ်ကစားနိုင်သည့် လေ့ကျင့်ခန်းများကိုလည်း လေ့ကျင့်ခဲ့ပါသည်။ ၎င်းစစ်ရေး လေ့ကျင့်ခန်းသည် ပိုလန်စစ်သည်များ၏ စွမ်းဆောင်ရည်အား တိုးမြှင့်ပေးပြီး ပိုလန် နိုင်ငံ၏လုံခြုံရေးအတွက်သာမက စစ်အင်အားတိုးမြှင့်မှုကိုလည်း မီးမောင်းထိုးပြခဲ့ခြင်း ဖြစ်ကြောင်း မာရီဆက်ဘလက်ဇက်က  ပြောကြားခဲ့ပါသည်။ အဆိုပါ Bull-Run 12 စစ်ရေးလေ့ကျင့်ခန်းသည် နေတိုးမဟာမိတ်များ၏ အရှေ့ဘက်စစ်များအား ရုရှားနိုင်ငံ၏ တိုက်ခိုက်မှုမှခုခံကာကွယ်ရန်ရည်ရွယ်၍ လုပ်ဆောင်ခဲ့သည့် စစ်ရေးလေ့ကျင့်ခန်းတစ်ခု ဖြစ်ကြောင်း သိရှိရပါသည်။

သုံးသပ်ချက်

              ဆူဝယ်လ်ကီလမ်းကြောင်းသည် ကာလီနင်ဂရက်ဒေသနှင့် ဘီလာရုဇ်နိုင်ငံ အကြားရှိ ကုန်းမြေအကျယ်အဝန်း ၆၅ ကီလိုမီတာသာ ကျယ်ဝန်းသော ဘောလ်တစ် နိုင်ငံများမှတစ်ဆင့် ပိုလန်နိုင်ငံနှင့် အခြားသောနေတိုးအဖွဲ့ဝင်နိုင်ငံများသို့ ရောက်ရှိ နိုင်သည့် လမ်းကြောင်းဖြစ်ပါသည်။ ပိုလန်၊ အမေရိကန်၊ ဗြိတိန်၊ ရိုမေးနီးယားနှင့် ခရိုအေးရှားနိုင်ငံတို့မှ တပ်ဖွဲ့ဝင်များသည် Bull-Run 12 စစ်ရေးလေ့ကျင့်ခန်းတွင်  ပါဝင်ခဲ့ကြပါသည်။ ဘောလ်တစ်ဒေသနိုင်ငံများဖြစ်သော လတ်ဗီးယား၊ လစ်သူရေးနီးယား နှင့် အက်စတိုးနီးယားနိုင်ငံတို့သည် နေတိုးအဖွဲ့ဝင်များဖြစ်လာခဲ့ပြီးနောက် ရုရှားနိုင်ငံ သည် ကာလီနင်ဂရက်ဒေသတွင် ရုရှား၏ ဘောလ်တစ်ရေယာဉ်စုနှင့် အမှတ်(၁၁) တပ်မကြီးတို့အခြေစိုက်ကာ  Iskander တာတိုပစ်ဒုံးကျည်များအား ဖြန့်ကြက်ခဲ့သဖြင့် အနောက်ဥရောပဒေသသို့ ခြိမ်းခြောက်မှုများ မြင့်တက်လာစေခဲ့ရုံသာမက ဆူဝယ်လ်ကီ စပ်ကြားနယ်မြေ (Suwalki Gap) အနီးတွင်လည်း ရုရှားတပ်ဖွဲ့ဝင်များ တိုးမြှင့်တပ်ဖြန့် လာခဲ့ပါသည်။ အဆိုပါလမ်းကြောင်းသည် နေတိုးအဖွဲ့ဝင် ဥရောပနိုင်ငံများနှင့် ဘောလ်တစ် သုံးနိုင်ငံအကြား ဆက်သွယ်ထားရှိသည့် တစ်ခုတည်းသောကုန်းလမ်းကြောင်းဖြစ်ပါ သည်။ ၂၀၁၃ ခုနှစ်နှင့် ၂၀၁၇ ခုနှစ်တို့တွင်ပြုလုပ်ခဲ့သည့် ရုရှား၏ Zapad စစ်ရေး လေ့ကျင့်ခန်းများအတွင်း ရုရှားတပ်ဖွဲ့ဝင်များသည် ဆူဝယ်လ်ကီစပ်ကြားနယ်မြေသို့ ချီတက်ထိန်းချုပ်ခြင်းနှင့် ဘောလ်တစ်နိုင်ငံများအား ဥရောပနိုင်ငံများနှင့် အဆက်အသွယ် ဖြတ်တောက်ခြင်းဆိုင်ရာ သဏ္ဌာန်တူလေ့ကျင့်မှုများ ပြုလုပ်ခဲ့ပါသည်။ ၎င်းစစ်ရေး လှုပ်ရှားမှုကို တန်ပြန်သည့်အနေနှင့် Bull-Run 12 စစ်ရေးလေ့ကျင့်ခန်းကို လုပ်ဆောင် ခဲ့ခြင်းဖြစ်ပါသည်။ အဆိုပါလေ့ကျင့်ခန်းသည် ပိုလန်နိုင်ငံ၏လုံခြုံရေးတစ်ခုတည်း သာမက နေတိုးအရှေ့ပိုင်းစစ်နယ်ဝန်းတစ်ခုလုံး၏ လုံခြုံရေးအတွက်လည်း အလွန် အရေးကြီးပြီး တပ်ဖွဲ့ဝင်များ၏ လှုပ်ရှားစစ်ကစားနိုင်စွမ်းကိုလည်း တိုးမြှင့်ပေးနိုင်စွမ်း ရှိပါသည်။ ဤစစ်ရေးလေ့ကျင့်ခန်းသည် နေတိုးအဖွဲ့ဝင် ဘောလ်တစ်နိုင်ငံများ၏ စစ်ရေးအသင့်ပြင်ဆင်ထားရှိမှုကို ရုရှားအား သိရှိစေရန်ဖော်ပြသည့် အချက်ပြမှုတစ်ရပ်သာ ဖြစ်ကြောင်း သုံးသပ်တင်ပြအပ်ပါသည်။

NewsBar

              အက်စ်တိုးနီးယားကာကွယ်ရေးဝန်ကြီး ဂျူရီလူးဝစ် (Juri Luik) နှင့် ဆွစ်ဇာလန် ကာကွယ်ရေး၊ မြို့ပြကာကွယ်ရေးနှင့်အားကစားရေးရာဝန်ကြီး ဒေါက်တာ ဘရီဂီတီရင့်ဒ် လစ်ဘန်ချာ (Dr.Brigitte Rindlisbacher) တို့သည် ကာကွယ်ရေးဆိုင်ရာ ပူးပေါင်း ဆောင်ရွက်ရေးသဘောတူညီချက်တစ်ရပ်အား ဇွန်လ ၂၁ ရက်တွင် လက်မှတ်ရေးထိုးခဲ့ ပါသည်။ ၎င်းသဘောတူညီချက်သည် နှစ်နိုင်ငံကာကွယ်ရေးဆိုင်ရာပူးပေါင်းဆောင်ရွက်မှု များအား ယခင်ထက်ပိုမိုဆောင်ရွက်လာနိုင်မည်ဖြစ်ပါသည်။ ထို့ပြင် ၎င်းသဘောတူညီချက် အရ နှစ်နိုင်ငံအနေဖြင့် စစ်ရေးလေ့ကျင့်မှုကဏ္ဍတွင် အတွေ့အကြုံများအပြန်အလှန် မျှဝေနိုင်မည်ဖြစ်ပြီး ကာကွယ်ရေးဆိုင်ရာစက်မှုလုပ်ငန်းများနှင့် ဆိုက်ဘာပူးပေါင်းရေး တို့အား ဖွံ့ဖြိုးတိုးတက်စေနိုင်မည်ဖြစ်ကြောင်း သိရှိရပါသည်။

                  ဆားဘီးယားနိုင်ငံသည် ကိုရိုနာဗိုင်းရပ်စ် (COVID_19) ကူးစက်ရောဂါဖြစ်ပွားမှု ကာလအတွင်း ပါလီမန်အသစ်တစ်ရပ်ဖွဲ့စည်းရန်အတွက် ဇွန်လ ၂၁ ရက်တွင် ရွေးကောက်ပွဲ ကျင်းပပြုလုပ်ခဲ့ပြီး မဲဆန္ဒရှင်ပြည်သူ ၅.၅ သန်းသည် Mask နှင့် လက်သန့်ဆေးရည်များ ထားရှိပေးထားသည့် မဲရုံများသို့သွားရောက်ဆန္ဒမဲပေးခဲ့ကြောင်း Trend သတင်းဌာနက ထုတ်ပြန်ခဲ့ပါသည်။ ဆားဘီးယားသမ္မတ အလက်ဇန္ဒြားဗူဆစ် (Aleksandar  Vucic) သည် သတင်းမီဒီယာများအပေါ် တင်းကျပ်စွာချုပ်ကိုင်ထားခြင်းကြောင့် ၎င်းရွေးကောက်ပွဲသည် လွတ်လပ်မှုနှင့်တရားမျှတမှုရှိမည်မဟုတ်ကြောင်း အတိုက်အခံပါတီမှ ကိုယ်စားလှယ် အချို့ကပြောကြားခဲ့ပြီး ရွေးကောက်ပွဲအား သပိတ်မှောက်မှုများပြုလုပ်ခဲ့ပါသည်။ နိုင်ငံ အတွင်း နောက်ဆုံးကောက်ယူရရှိသည့်စစ်တမ်းများတွင် သမ္မတ၏ ဆားဘီးယား ပြည်သူ့ပါတီ (Serbian People’s Party-SNS) သည် ဆန္ဒမဲ ၅၀ ရာခိုင်နှုန်းနီးပါးရရှိခဲ့ ကြောင်း သိရှိရပါသည်။