၃။ ဂရိဝန်ကြီးချုပ် ခရီယာကိုစ့်မစ်ဆိုတာကစ် (Kyriakos Mitsotakis) သည် ဒုက္ခသည်ပဋိပက္ခဖြစ်ပွားလျက်ရှိစဉ် တူရကီနိုင်ငံသို့ ဘဏ္ဍာရေးဆိုင်ရာကူညီထောက်ပံ့မှု များအားလျှော့ချရန် ဂျာမနီဝန်ကြီးချုပ် အိန်ဂျလာမာကဲလ် (Angela Merkel) နှင့် ပြင်သစ်သမ္မတ အီမန်နျူရယ်မက်ခရွန် (Emmanuel Macron) တို့ထံ စာရေးသား ပေးပို့ခဲ့မှုနှင့်စပ်လျဉ်း၍ တူရကီအစိုးရက ဧပြီလ ၃ ရက်တွင် အပြင်းအထန်ပြစ်တင် ရှုတ်ချခဲ့ကြောင်း တူရကီနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟာမီအေကေဆွိုင်း (Hami Aksoy) က ပြောကြားခဲ့ပါသည်။ ထို့နောက် တူရကီအစိုးရသည် နိုင်ငံရေး ခိုလှုံခွင့်တောင်းခံသူ ၄ သန်းအတွက် အမေရိကန်ဒေါ်လာ ၄၀ ဘီလီယံသုံးစွဲခဲ့ကြောင်း တူရကီနိုင်ငံခြားရေးဝန်ကြီးဌာနက ထုတ်ပြန်ခဲ့ပါသည်။ ဥရောပသမဂ္ဂသည် ဒုက္ခသည် များအား အကူအညီပေးအပ်ရေးအတွက် အမေရိကန်ဒေါ်လာ ၆.၅ ဘီလီယံ ကတိပြု ထားရှိသော်လည်း အဆိုပါပမာဏ၏ ထက်ဝက်ခန့်မျှသာလွှဲပြောင်းပေးအပ်ခဲ့ကြောင်း သိရှိရပါသည်။
No comments:
Post a Comment