ယူကရိန်းနိုင်ငံသည် စိုက်ပျိုးရေးထွက်ကုန်များတင်ပို့မှုကိစ္စနှင့်ပတ်သက်၍ ဧပြီလ ၁၇ ရက်တွင် ပိုလန်နိုင်ငံနှင့် ဆွေးနွေးညှိနှိုင်းမှုများပြုလုပ်သွားမည်ဆိုခြင်း

ယူကရိန်းနိုင်ငံသည် စိုက်ပျိုးရေးထွက်ကုန်များတင်ပို့မှုကိစ္စနှင့်ပတ်သက်၍ ဧပြီလ ၁၇ ရက်တွင် ပိုလန်နိုင်ငံနှင့် ဆွေးနွေးညှိနှိုင်းမှုများပြုလုပ်သွားမည်ဖြစ်ကြောင်း ယူကရိန်းစိုက်ပျိုးရေးမူဝါဒနှင့် စားနပ်ရိက္ခာဝန်ကြီး မိုင်ကိုလာဆိုစကီ (Mykola Sols kyi) က ပြောကြားခဲ့ပါသည်။ ထို့ပြင် လာမည့်ဧပြီလ ၁၉ ရက်နှင့် ၂၀ ရက်တွင်လည်း ရိုမေးနီးယား၊ ဆလိုဗက်ကီးယားနိုင်ငံတို့နှင့် အလားတူဆွေးနွေးမှုများပြုလုပ်သွားရန် စီစဉ်ထားကြောင်း ၎င်းက ဆက်လက်ပြောကြားခဲ့ပါသည်။ ပိုလန်နှင့် ဟန်ဂေရီနိုင်ငံတို့ သည် ပြည်တွင်းတောင်သူများကိုကာကွယ်နိုင်ရေးအတွက် လာမည့်ဇွန်လ ၃၀ ရက်မတိုင်မီ အထိ ယူကရိန်းမှ ဈေးနှုန်းချိုသာသော လယ်ယာထွက်ကုန်များတင်သွင်းမှုကို တားမြစ် ကြောင်း ဧပြီလ ၁၅ ရက်တွင် ထုတ်ပြန်ခဲ့ပြီးနောက် အထက်ပါအစီအစဉ်ထွက်ပေါ်လာ ခြင်းဖြစ်ကြောင်း သိရှိရပါသည်။