ဆိုက်ပရပ်စ်၊ ဂရိ၊ အစ္စရေးနှင့် အာရပ်စော်ဘွားများပြည်ထောင်စု (UAE) နိုင်ငံတို့၏ နိုင်ငံခြားရေးဝန်ကြီးများသည် ဒေသတွင်းဆိုင်ရာကိစ္စရပ်များအပြင် ပူးပေါင်း ဆောင်ရွက်မှုကိစ္စရပ်များနှင့်စပ်လျဉ်းသည့် နှစ်ရက်ကြာအစည်းအဝေးကို အပြီးသတ် ဆောင်ရွက်ပြီးဖြစ်ကြောင်း ဆိုက်ပရပ်စ်နိုင်ငံခြားရေးဝန်ကြီး နီကိုခရစ္စတိုဒိုလီဒက်စ် (Nikos Christodoulides) က ဧပြီလ ၁၇ ရက်တွင် ပြောကြားခဲ့ပါသည်။ ပူးပေါင်း ဆောင်ရွက်မှုများ ပိုမိုတိုးမြှင့်လာသည်နှင့်အမျှ ပူးပေါင်းဆောင်ရွက်ရေးနှင့် လုံခြုံရေး အတွက် ဒေသတွင်းအစည်းအဝေးများမှ အပြုသဘောဆောင်သည့် အစီအစဉ်များ အပေါ်အခြေခံ၍ ပူးပေါင်းဆောင်ရွက်မှုကို ခိုင်မာအောင်ပြုလုပ်နိုင်မည့် လမ်းကြောင်းကို တွေ့ရှိနိုင်မည်ဖြစ်ကြောင်းကိုလည်း ခရစ္စတိုဒိုလီဒက်စ် က ပြောကြားခဲ့ပါသည်။ မကြာသေးမီအချိန်အတွင်း အစ္စရေးနှင့် UAE တို့အကြား ဆက်ဆံရေးကို ပုံမှန်ဖြစ်အောင် ဆောင်ရွက်ခြင်း၊ ကိုင်ရို (Cairo) သဘာဝဓာတ်ငွေ့ဖိုရမ်တည်ထောင်ခြင်းနှင့် လည်ပတ်ခြင်းများအပါအဝင် အရေးပါသည့်တိုးတက်မှုများ ဖြစ်ပေါ်ခဲ့သည်ဟု နိုင်ငံခြားရေးဝန်ကြီးများက မှတ်ချက်ပြုပြောကြားခဲ့ကြောင်း သိရှိရပါသည်။
No comments:
Post a Comment