တူရကီ F-16 တိုက်လေယာဉ်များသည် အီရတ်နိုင်ငံမြောက်ပိုင်းကာ့ဒ် ကိုယ်ပိုင်အုပ်ချုပ်ခွင့်ရဒေသရှိ ဒူဟော့ခ် (Duhok) စီရင်စုအား ဧပြီလ ၅ ရက်ညက လေကြောင်းတိုက်ခိုက်မှုများပြုလုပ်ခဲ့ကြောင်း အီရတ်နိုင်ငံရှိ Shafaq သတင်းဌာနက ဖော်ပြခဲ့ပါသည်။ တူရကီတိုက်လေယာဉ်များသည် ကာဘီကီ (Kabirki) တောင်ကုန်းအား အဓိကပစ်မှတ်ထားတိုက်ခိုက်ခဲ့ခြင်းဖြစ်ပြီး ၎င်းတိုက်ခိုက်မှုအတွင်း ထိခိုက်ဒဏ်ရာ ရရှိမှုအားမသိရှိရသေးကြောင်း အဆိုပါသတင်းဌာနကဖော်ပြခဲ့ပါသည်။ တူရကီ လေတပ်သည် ဆီးရီးယား၊ အီရတ်နိုင်ငံတို့သာမက နိုင်ငံတောင်ပိုင်းနယ်စပ်ရှိ ကာ့ဒ်တပ်ဖွဲ့ များအပေါ် လေကြောင်းတိုက်ခိုက်မှုများ ပြုလုပ်လျက်ရှိပါသည်။ ကာ့ဒ်တပ်ဖွဲ့များသည် ကိုယ်ပိုင်အုပ်ချုပ်ခွင့်အတွက် တူရကီနိုင်ငံအတွင်းမှတိုက်ခိုက်လျက်ရှိပြီး အီရတ်နှင့် ဆီးရီးယားနိုင်ငံသို့ ထွက်ပြေးအခြေပြုကာ တိုက်ခိုက်မှုများပြုလုပ်လျက်ရှိကြောင်း သိရှိရပါသည်။
No comments:
Post a Comment