ဂရိဖရီးဂိတ်စစ်သင်္ဘောနှင့်ပြင်သစ်ငလျင်သုတေသန်သင်္ဘောတို့တူရကီရေပိုင်နက်ထဲသို့ဝင်ရောက်ရန်ကြိုးပမ်းခဲ့ခြင်း

        ဂရိဖရီးဂိတ်စစ်သင်္ဘောနှင့် ပြင်သစ်ငလျင်သုတေသနသင်္ဘောတို့သည် ပြီးခဲ့သည့် ဧပြီလ ၁၈ ရက်တွင် တူရကီရေပိုင်နက်ထဲသို့ ဝင်ရောက်ရန်ကြိုးပမ်းခဲ့ကြောင်း Hürriyet သတင်းစာက ဧပြီလ ၁၉ ရက်တွင် ထုတ်ပြန်ခဲ့ပါသည်။ အစောင့်အရှောက်လိုက်ပါ လာသော ပြင်သစ် L'Atalante အမျိုးအစား သုတေသနသင်္ဘောနှင့် အီဂျစ် Elli အမျိုးအစား ဖရီးဂိတ်စစ်သင်္ဘောတို့သည် တူရကီနိုင်ငံ၏ ခွင့်ပြုချက်မရရှိဘဲ ၎င်း၏ ရေပိုင်နက်အတွင်းသို့ ဝင်ရောက်လာသဖြင့် တူရကီရေတပ်မှ သတိပေးနှင်ထုတ်ခဲ့ ပါသည်။ ၂၀၂၀ ပြည့်နှစ်၊ သြဂုတ်လတွင်လည်း တူရကီသည် Oruç Reis သုတေသန ရေယာဉ်အား အငြင်းပွားဆိုက်ပရပ်စ်နှင့် ဂရိကျွန်းတို့အကြားနယ်မြေသို့ စစ်သင်္ဘော များနှင့်အတူ စေလွှတ်ခဲ့ပါသည်။ ထိုအချိန်မှစ၍ နှစ်နိုင်ငံအကြား နိုင်ငံရေးနှင့် စစ်ရေး တင်းမာမှုများ စတင်မြင့်တက်ခဲ့ကြောင်း သိရှိရပါသည်။