ဟန်ဂေရီနိုင်ငံအနေဖြင့် NATO တပ်ဖွဲ့များအား နိုင်ငံ၏အနောက်ပိုင်းတွင် အခြေစိုက်တပ်စွဲရန်နှင့် အခြားသော NATO အဖွဲ့ဝင်နိုင်ငံများသို့ လက်နက်သယ်ဆောင် မှုများကိုလည်း ၎င်းပိုင်နက်မှဖြတ်သန်းသယ်ဆောင်ခွင့်ပြုခဲ့ကြောင်း Xinhua သတင်း ဌာနက မတ်လ ၈ ရက်တွင် ရေးသားဖော်ပြခဲ့ပါသည်။ သို့သော် ဟန်ဂေရီနိုင်ငံမှဖြတ်၍ ယူကရိန်းနိုင်ငံသို့ လက်နက်သယ်ဆောင်မှုကို ခွင့်ပြုသွားမည်မဟုတ်သည့်အပြင် သေစေနိုင်သည့် လက်နက်များသယ်ဆောင်ခြင်းကို တားမြစ်ထားကြောင်း ဟန်ဂေရီ ဝန်ကြီးချုပ် ဗစ်တာအော်ဘန် (Viktor Orban) က ပြောကြားခဲ့ပါသည်။ ထို့ပြင် ရုရှား-ယူကရိန်းစစ်ရေးပဋိပက္ခ စတင်ဖြစ်ပွားသည့်အချိန်ကတည်းကပင် ဟန်ဂေရီနိုင်ငံအနေဖြင့် ၎င်း၏ပိုင်နက်မှဖြတ်၍ နေတိုး၏စစ်လက်နက်များကို ယူကရိန်းနိုင်ငံသို့ သယ်ဆောင်ခွင့် ပြုမည်မဟုတ်ကြောင်း ထုတ်ပြန်ခဲ့သည်ဟု သိရှိရပါသည်။
No comments:
Post a Comment