ဗြိတိန်နိုင်ငံခြားရေးဝန်ကြီး ဂျိမ်းစ်ကလဲဗာလီ (James Cleverly) သည် အက်စတိုးနီးယားနိုင်ငံရှိ NATO မဟာမိတ်အဖွဲ့၏ အရှေ့ဘက်စစ်နံတွင် ကုန်းကြောင်း၊ ရေကြောင်း၊ လေကြောင်းဖြင့် အကာအကွယ်ပြုလျက်ရှိသော ဗြိတိန်စစ်ဘက်တပ်ဖွဲ့ဝင် များနှင့် တွေ့ဆုံသွားမည်ဖြစ်ကြောင်း ဗြိတိန်အစိုးရသတင်းဌာနက မေလ ၃၀ ရက်တွင် ဖော်ပြခဲ့ပါသည်။ အက်စတိုးနီးယားနိုင်ငံတွင် ဗြိတိန်စစ်ဘက်တပ်ဖွဲ့ဝင်များသည် ရှေ့တန်း စစ်မြေပြင်မှနေ၍ ဥရောပ၏ လုံခြုံရေးကို ကာကွယ်စောင့်ရှောက်ကာ ရုရှား၏ ကျူးကျော် ရန်စမှုများကို တားဆီးလျက်ရှိကြောင်း ဂျိမ်းစ်ကလဲဗာလီက ပြောကြားခဲ့ပါသည်။ ထို့ပြင် ၎င်းအနေဖြင့် အက်စတိုးနီးယားအစိုးရသစ်၏ အဖွဲ့ဝင်များနှင့် တွေ့ဆုံသွားမည်ဖြစ်ပြီး ယူကရိန်းဒုက္ခသည် ကလေးများကျောင်းသို့ သွားရောက်မည်ဖြစ်ကာ ၎င်းနောက် NATO နိုင်ငံခြားရေးဝန်ကြီးများ အစည်းအဝေးသို့တက်ရောက်ရန်အတွက် နော်ဝေနိုင်ငံသို့ သွားရောက်မည်ဖြစ်ကြောင်း သိရှိရပါသည်။
No comments:
Post a Comment