ဘောလ်တစ် (Baltic) ဒေသရှိ NATO အဖွဲ့ဝင်နိုင်ငံများဖြစ်သော အက်စတိုးနီးယား (Estonia) နှင့် လတ်ဗီးယား (Latvia) နိုင်ငံတို့သည် တာလတ်ပစ် IRIS-T SLM ကာကွယ်ရေး စနစ်များကိုဝယ်ယူနိုင်ရန် ဂျာမနီနိုင်ငံနှင့် ဆွေးနွေးညှိနှိုင်းလျက်ရှိသည်ဟု အက်စတိုးနီးယား ကာကွယ်ရေးဝန်ကြီးဌာနက ထုတ်ပြန်ခဲ့ကြောင်း DW သတင်းဌာနက မေလ ၂၂ ရက်တွင် ဖော်ပြခဲ့ပါသည်။ ရုရှားနှင့် နယ်နိမိတ်ချင်းထိစပ်လျက်ရှိသော အထက်ပါနိုင်ငံနှစ်နိုင်ငံ သည် ရုရှား-ယူကရိန်း ပဋိပက္ခဖြစ်ပွားချိန်မှစတင်၍ ကာကွယ်ရေးအသုံးစရိတ်ကို အများအပြားတိုးမြှင့်သုံးစွဲကာ ၎င်းတို့၏ကာကွယ်ရေးစွမ်းအားမြှင့်တင်နိုင်ရန် ကြိုးပမ်း လျက်ရှိပါသည်။ ယခုဝယ်ယူနိုင်ရန်ကြိုးပမ်းလျက်ရှိသည့် IRIS-T SLM ကာကွယ်ရေး စနစ်သည် လေယာဉ်များ၊ ရဟတ်ယာဉ်များ၊ ခရုဇ်ဒုံးကျည်များ၊ မောင်းသူမဲ့လေယာဉ် များကိုပစ်ချနိုင်ရန် ဒီဇိုင်းရေးဆွဲထားသည့် ယာဉ်တင်ဒုံးကျည်စနစ်တစ်ခုဖြစ်ပြီး အကွာအဝေး ကီလိုမီတာ ၄၀ နှင့် အမြင့် ကီလိုမီတာ ၂၀ အထိ ပစ်ခတ်နိုင်ကြောင်း သိရှိရပါသည်။
No comments:
Post a Comment