တူကီယဲသမ္မတ ရီဆက်တေရစ်အာဒိုဂန်သည် ဆူဒန်အသွင်ကူးပြောင်းရေး အချုပ်အခြာအာဏာ ကောင်စီဥက္ကဋ္နှနှင့် တွေ့ဆုံခဲ့ခြင်း

တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan) သည် ၎င်းနိုင်ငံသို့လာရောက်လျက်ရှိသော ဆူဒန်အသွင်ကူးပြောင်းရေး အချုပ်အခြာအာဏာ ကောင်စီဥက္ကဋ္ဌ အဗ္ဗဒယ်ဖာတက်အယ်လ်ဘာဟန် (Abdel Fattah Al-Burhan) အား လက်ခံတွေ့ဆုံခဲ့ကြောင်း Xinhua သတင်းဌာနက စက်တင်ဘာလ ၁၄ ရက်တွင် ဖော်ပြ ခဲ့ပါသည်။ ဆူဒန်တပ်မတော်အကြီးအကဲလည်းဖြစ်သည့် အယ်လ်ဘာဟန်နှင့်အတူ ခေတ္တနိုင်ငံခြားရေးဝန်ကြီး အလီအယ်လ်ဆာဒစ် (Ali Al-Sadiq)၊ ထောက်လှမ်းရေး ညွှန်ကြားရေးမှူးချုပ် အာမက်အီဘရာဟမ်မူဖာဒယ် (Ahmed Ibrahim Mufadel)နှင့် ကာကွယ်ရေးစက်မှုလုပ်ငန်းညွှန်ကြားရေးမှူးချုပ် မာဂါနီအိုင်ဒရစ်ဆူလေမန် (Mirghani Idris Suleiman) တို့ လိုက်ပါသွားကြောင်း ဆူဒန်အချုပ်အခြာအာဏာကောင်စီ၏ ထုတ်ပြန်ချက်တွင် ဖော်ပြထားသည်ဟု သိရှိရပါသည်။