၁၁။ တူရကီစစ်ဘက်အနေဖြင့် ဆီးရီးယားမြောက်ပိုင်းတွင်ပြုလုပ်လျက်ရှိသော ထိုးစစ်အတွင်း ကာ့ဒ် (Kurdistan Workers Party -PKK) သူပုန်အဖွဲ့ဝင် ၁၄ ဦးအား သုတ်သင်ရှင်းလင်းခဲ့ကြောင်း ဧပြီလ ၃ ရက်တွင် သတင်းအရင်းအမြစ်တစ်ခုမှ ဖော်ပြခဲ့ပါသည်။ ယူဖရေးတီးမြစ်ဝှမ်းတစ်လျှောက်၌ စစ်ဆင်ရေးဆောင်ရွက်လျက် ရှိသော တူရကီအထူးတပ်ဖွဲ့ဝင်များအား ဆီးရီးယားနှင့် တူရကီနိုင်ငံအတွင်းရှိ ကာ့ဒ်သူပုန်အဖွဲ့တို့မှ တိုက်ခိုက်ရန်ပြင်ဆင်မှုများဆောင်ရွက်နေစဉ် ငြိမ်းချမ်းရေး ထိန်းသိမ်းမှုများ လုပ်ဆောင်သည့်အနေဖြင့် မလွဲသာမရှောင်သာ ရှင်းလင်းမှုများ လုပ်ဆောင်ခဲ့ရခြင်းဖြစ်ကြောင်း တူရကီကာကွယ်ရေးဝန်ကြီးဌာနမှ ထုတ်ပြန်ခဲ့ပါသည်။ ထို့ပြင် တူရကီနိုင်ငံ၏ အမျိုးသားလုံခြုံရေးနှင့် တည်တံ့ခိုင်မြဲမှုအား ခြိမ်းခြောက် လျက်ရှိသည့် ခွဲထွက်ရေးတောင်းဆိုဆန့်ကျင်လျက်ရှိသော တူရကီနိုင်ငံ အရှေ့ တောင်ဘက်နှင့် ဆီးရီးယားနိုင်ငံမြောက်ပိုင်းရှိ ကာ့ဒ်သူပုန်များကိုလည်း သုတ်သင် ရှင်းလင်းမှုများ ဆက်လက်ဆောင်ရွက်သွားမည်ဖြစ်ကြောင်း ပြောကြားခဲ့သည်ဟု သိရှိရပါသည်။
No comments:
Post a Comment